16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Փաշինյանի խոսնակը՝ այս կիրակի Մայր Աթոռ գնալու տեղեկության մասին
Քաղաքականություն
22.12.2025 | 15:44
«Վարչապետը յուրաքանչյուր կիրակի մասնակցում է պատարագին»,- այս մասին Factor.am-ի հարցին ի պատասխան ասաց ՀՀ վարչապետի մամուլի խոսնակ Նազելի Բաղդասարյանը՝ անդրադառնալով այն հրապարակումներին, թե առաջիկա կիրակի Փաշինյանը պատարագի է մասնակցելու Էջմիածնի Մայր տաճարում։
Հիշեցնենք՝ 24News-ն այսօր գրել էր, որ «Փաշինյանը ծրագրում է իր կողմնակիցների, տիրադավ եպիսկոպոսների, ինչպես նաև կարգալույծ նախկին հոգևորականների ուղեկցությամբ մտնել Մայր Աթոռ, մասնակցել պատարագի ու հասնել նրան, որ Ամենայն Հայոց կաթողիկոսը հեռանա Վեհարանից և «հանգստի կոչվի»»։
Փաշինյանի մամուլի խոսնակն այս առնչությամբ ասաց․ «Առաջիկա կիրակի օրվա պատարագի վայրի վերաբերյալ լրացուցիչ տեղեկություն կհաղորդվի։ Հոդվածում վկայակոչված մնացյալ տեղեկատվությունը իրականությանը չի համապատասխանում»։
Նշենք, որ Փաշինյանը երեկ պատարագի չմասնակցեց, քանի որ աշխատանքային այցով ՌԴ-ում էր։
Ի դեպ, երեկ Factor.am-ին հաջողվեց պարզել, որ Փաշինյանի հետ մշտապես պատարագների մեկնող կարկառուն ՔՊ-ականներ երեկ պատարագի չեն մասնակցել։ Նրանցից ոմանք անգամ չեն թաքցրել, որ դա Փաշինյանի բացակայությամբ է պայմանավորված։
Նարեկ Կիրակոսյան
