18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ռուբեն Վարդանյանը փորձել է Հայաստան տեղափոխվել՝ իմանալով, որ կա ադրբեջանական կողմից ձերբակաման որոշում․Շահրամանյանը՝ Վարդանյանի կոորդինատները Ադրբեջանին տրամադրելու մեղադրանքի մասին
Քաղաքականություն
18.12.2025 | 13:24
Արցախի վերջին նախագահ Սամվել Շահրամանյանն այսօր ներկայացել է Քննչական կոմիտե ու հարցաքննվել 2023-ին Արցախում տեղի ունեցած ռազմական գործողությունների և դրա հետևանքների վերաբերյալ գործով։ Քննչական կոմիտեից դուրս գալուց հետո Շահրամանյանը լրագրողների հետ զրույցում հայտնեց, որ այդ իրադարձությունների շուրջ են իրեն հարցեր ուղղվել։
Շահրամանյանը վկայի կարգավիճակ ունի։ Չնայած մամուլում շրջանառվում էին տեղեկություններ, որ, հնարավոր է, նրան մեղադրանք ներկայացվի՝ այս պահին մեղադրանքի առաջադրման մասին խոսք չկա։
Շահրամանյանն անդրադարձավ ադրբեջանական լրատվամիջոցներում տարածված տեղեկություներին, թե Արցախի գերեվարված ռազմաքաղաքական ղեկավարության, այդ թվում՝ Ռուբեն Վարդանյանի կոորդինատներն ինքն է տրամադրել ադրբեջանական կողմին։
«Դա ոչ միայն սուտ է, այլ հորինված թեզ է՝ հայկական կողմին մոլորեցնելու համար։ Երեկ փաստաբան Ռոման Երիցյանն անդրադաձավ, թե ինչպես են գերեվարվել այդ անձինք։ Ոչ մեկը թաքնված չէր, ադրբեջանական կողմը շատ լավ գիտեր, թե ով որտեղ է գտնվում։ Ռուբեն Վարդանյանին չեն ձերբակալել թաքստոցում, բունկերում, անտառում, այլընտրանքային ճանապարհներով դուրս գալու ընթացքում։ Ինքը փորձել է Հայաստանի Հանրապետություն տեղափոխվել այդ ժամանակահատվածում գործող միակ ճանապարհով՝ Լաչինի միջանցքով՝ շատ լավ իմանալով, որ ճանապարհին կան բազմաթիվ ադբեջանական հենակետեր, որտեղ բոլոր անցնող անձինք ստուգման էին ենթարկվում, և կա ադրբեջանական կողմից ձերբակաման որոշում»,- ասաց Սամվել Շահրամանյանը։
Լրագրողների դիտարկմանը՝ այդ դեպքում ինչպե՞ս Սամվել Բաբայանին թույլ տվեցին դուրս գալ, Շահրամանյանը պատասխանեց, որ Բաբայանը միակը չի եղել, որ կարողացել է դուրս գալ, Արցախից դուրս են եկել նաև այլ գործող պաշտոնյաներ։
Շահրամանյանն անդրադարձավ նաև Հայաստանի և Ադրբեջանի միջև խաղաղության գործընթացին։
«Մենք կողմ ենք խաղաղության գործընթացին, բայց մենք բարձրացնում ենք հարցեր, որոնք միջազգային իրավունքից բխող հարցեր են։ Ասել, որ ով վերադարձի հարց է բարձրացնում, հրահրում է պատերազմ կամ ուզում է պատերազմ, ճիշտ չէ»,- ասաց Սամվել Շահրամանյանը»։
Արաքս Մամուլյան
