28.04.2026 | 12:41
ՌԴ-ում «Ջերմուկի» որոշ խմբաքանակների իրացման հնարավոր կասեցման վերաբերյալ ՍԱՏՄ-ն պաշտոնական ծանուցում չի ստացել
Վաղարշապատի համայնքապետարանը գրավոր իրազեկում չի ստացել այսօր Մայր Աթոռում հավաք անցկացնելու մասին
18.12.2025 | 13:07
Վաղարշապատի համայնքապետարանը գրավոր իրազեկում չի ստացել այսօր Մայր Աթոռ Սուրբ Էջմիածնում հավաք անցկացնելու մասին։ Այս մասին Factor TV-ի հետ զրույցում ասաց համայնքապետարանի մամուլի քարտուղար Ռոզա Կարապետյանը․
«Հայտարարության մեջ, կարծես թե հանրահավաք անցկացնելու մասին խոսք չի եղել»,- նշեց քարտուղարը։
Հիշեցնենք՝ երեկ Գարեգին 2-րդ կաթողիկոսի դեմ ընդվզած 10 եպիսկոպոսները՝ հայտարարություն տարածեցին, կոչ անելով հոգևորականներին ու հավատացյալներին այսօր ժամը 17-ին հավաքվել Մայր Աթոռում։ «Հավաքների ազատության մասին» ՀՀ օրենքի 2-րդ գլխի 9-րդ հոդվածը նախատեսում է, որ հանրային հավաք անցկացնելու համար կազմակերպիչը գրավոր իրազեկում է լիազոր մարմնին, բացառությամբ մինչև 100 մասնակից ունեցող, շտապ և ինքնաբուխ հավաքների։
Թեև հաղորդագրության մեջ բացակայում են «հավաք» կամ «հանրահավաք» բառերը, այնուամենայնիվ, այն փաստացի հանրային բազմամարդ հավաքի կոչ է, որի մասին պետք է գրավոր տեղեկացվեր համայնքապետարանին։
Ռոզա Վարդանյան
