16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
«Պետությունը պետք է լինի գերագույն արժեք». ինչո՞ւ են փոխվել պատմության դասագրքերի շեշտադրումները
Հասարակություն
17.12.2025 | 18:36
«Մենք փորձում ենք մեր երեխաների համար հասկանալի և տեսանելի դարձնել, որ պետությունը մեզ համար պետք է լինի գերագույն արժեք։ Եվ մենք պետք է կարողանանք մեր պատմական տարբեր իրադարձությունները վերլուծել Հայաստանի Հանրապետության գոյության և հարատևության դիրքից, որպեսզի չկրկնենք նույն սխալները և նույն խնդիրների առաջ չկանգնենք»,- Factor TV-ի հետ զրույցում ասել է ԿԳՄՍ նախարար Ժաննա Անդրեասյանը՝ անդրադառնալով «Հայոց պատմություն» առարկայի դասագրքերի բովանդակությանը և Արցախի նախկին նախագահ Սամվել Շահրամանյանի հայցին։
Նախարարը պնդել է, որ դասագրքերում որևէ քաղաքական պրոպագանդա չկա, այլ դրված է պետական մտածողություն ձևավորելու հստակ նպատակ։ Ըստ նրա՝ պատմական հայրենիքի իմացությունը կարևոր է, սակայն այն պետք է ծառայի իրական Հայաստանի հզորացմանը, ոչ թե դառնա վտանգավոր երազանք, որը կարող է զրկել այսօրվա ունեցած պետականությունից։
Անդրեասյանն անդրադարձել է նաև Նժդեհի վերաբերյալ հարցին։ «Ես խոսել եմ նրա գաղափարների հետագա օգտագործման մասին։ Կարծում եմ՝ Նժդեհի դերը մեր պատմության մեջ չի կարող թերագնահատվել. նա որպես ռազմական գործիչ, նա որպես պատմական գործիչ, իհարկե, տեղ ունի մեր ծրագրերում և ուսումնասիրվում է։ Իսկ մնացածը, կներեք, ուղղակի հարկ չեմ համարում անդրադառնալ»՝ արձագանքելով դիտարկմանը, թե իշխանությունը և անձամբ ինքը փորձում են «ուրանալ» Գարեգին Նժդեհին։ Նախարարը հստակեցրել է, որ խնդիրը ոչ թե պատմական կերպարի, այլ նրա գաղափարների շահարկման կամ ոչ տեղին օգտագործման մեջ է, իսկ դպրոցական ծրագրերում Նժդեհն ունի իր հաստատուն տեղը։
Հարցազրույցն ամբողջությամբ՝ տեսանյութում։
