29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
«Կատարյալ անհեթեթություն». նախարարը՝ ատեստավորման թեստերի վաճառքի լուրերի մասին
Հասարակություն
16.12.2025 | 18:47
«Արտահոսքի մասին տեղեկությունը չի համապատասխանում իրականությանը: Դա կատարյալ անհեթեթություն է։ Առնվազն բոլոր ռացիոնալ դատող մարդիկ հասկանում են, որ թեստերի կազմումը չի կարող տևել մի քանի օր, և պատկերացնում են, որ կամավոր ատեստավորման թեստերի կազմում պահանջում է առնվազն մի քանի շաբաթից մի քանի ամիս աշխատանք»։
Factor TV-ի հետ զրույցում ասել է ԿԳՄՍ նախարար Ժաննա Անդրեասյանը՝ կտրականապես հերքելով մամուլում և սոցիալական ցանցերում շրջանառվող լուրերը, թե ուսուցիչների կամավոր ատեստավորման թեստերը վաճառվել են կամ դուրս են բերվել համակարգից։ Նախարարը շեշտել է, որ նմանատիպ ցանկացած ահազանգ փոխանցվում է իրավապահներին՝ մանրակրկիտ ուսումնասիրության համար։ Անդրեասյանը նաև ներկայացրել է գործընթացի արդյունքները՝ հայտնելով, որ այս պահին հանրապետության յուրաքանչյուր երրորդ ուսուցիչ արդեն իսկ ատեստավորված է, ինչը վկայում է համակարգի կայացման մասին։
Հարցազրույցն ամբողջությամբ կարող եք դիտել 19։00-ին Factor TV-ի յութուբյան ալիքում։
