22.04.2026 | 23:30
ՀՀ տարածքում ավտոճանապարհները հիմնականում անցանելի են
Վիզաների ազատակացման գործընթացում առաջընթացը շատ կարևոր է ՀՀ քաղաքացիների համար․ Արարատ Միրզոյան
Քաղաքականություն
15.12.2025 | 14:32
«Հաճելի է վերադառնալ Բրյուսել ԵՄ-ՀՀ գործընկերության շատ հաջողված խորհրդից երկու շաբաթ անց, որի ընթացքում մեր գործընկերությունը ռազմավարական օրակարգը ընդունվեց, որը մեր հարաբերությունները նոր մակարդակի է բարձրացրել»,- այս մասին հայտարարել է ԱԳ նախարար Արարատ Միրզոյանը ԵՄ անդամ պետությունների արտաքին գործերի նախարարների խորհրդի ձևաչափով հանդիպման շրջանակներում լրագրողների հետ զրույցում։
«Այսօր այս նիստում քննարկել ենք բոլոր խոշոր ձեռքբերումները ՀՀ-ԵՄ գործընկերությունում՝ տնտեսությունից ավելի ուժեղ դիմակայունություն, անվտանգությանը վերաբերող հարցերից, այդ թվում ՝ հիբրիդային սպառնալիքներից մինչև Եվրոպական խաղաղության հիմնադրամի աջակցություն։ Հիմնականում քննարկեցինք բոլոր թեմաները, որոնք կարևոր են Հայաստանի ու ԵՄ-ի հարաբերությունների համար։ Մենք քննարկեցինք նաև, որ վիզայի ազատակացման գործընթացը, առաջընթացն այս գործընթացում շատ կարևոր է ՀՀ քաղաքացիների համար նաև Հայաստանը ԵՄ-ին մոտեցնելու տեսանկյունից»,-ասել է Միրզոյանը։
Նա նշել է, որ նաև քննարկվել էենավելի լայն համապատկերը, տարածաշրջանային զարգացումները, հաղորդակցությունների բացումը Հարավային Կովկասի երկրների միջև, հնարավորությունները, ԵՄ հնարավոր ներգրավվածությունը ենթակառուցվածքային նախագծերին։
ԵՄ արտաքին գործերի և անվտանգության քաղաքականության հարցերով բարձր ներկայացուցիչ, Եվրահանձնաժողովի փոխնախագահ Կայա Կալասը իր հերթին այսօր հայտնել էր, որ Հայաստանն օգնություն է խնդրել ԵՄ-ից՝ ընտրություններում արտաքին միջամտությունից պաշտպանվելու համար։
Թարգմանությունը՝ Էմմա Չոբանյանի
