10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Հասարակություն
15.12.2025 | 14:12
Նախատեսվում է հատուկ տեխնիկական սարքավորումներ կիրառել՝ պարզելու համար՝ արդյոք անձը գտնվում է թմրանյութերի ազդեցության տակ։ Ներքին գործերի նախարարությունը նոր կարգավորումներ է առաջարկում սահմանել։
Գործող օրենսդրությամբ ոստիկանությունն իրավունք ունի տեխնիկական միջոցների կիրառմամբ իրականացնելու միայն արտաշնչած օդի մեջ ալկոհոլի պարունակության միջոցով անձի (վարորդի) սթափության վիճակի զննություն (ոչ սթափ վիճակում գտնվելու փաստի ստուգում), իսկ թմրանյութ օգտագործած վիճակում վարելու կասկածի (բավարար հիմքերի) առկայության դեպքում նշված փաստի ստուգումն իրականացվում է միայն արյան կամ մեզի միջոցով՝ բժշկական կազմակերպությունների կողմից։ Նախագծի հիմնավորման մեջ չի ասվում, թե տեխնիկական ինչ միջոց է օգտագործվելու արյան մեջ թմրանյութի առկայությունը պարզելու համար։
Թմրանյութի օգտագործմամբ պայմանավորված ոչ սթափ վիճակում գտնվելու փաստի ստուգման արդյունքների դրական լինելու դեպքում վարչական պատասխանատվություն կնշանակվի։
Եվգենյա Համբարձումյան
