10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
ԲԿ-ի տնօրենը պարզաբանել է՝ ինչպես է թուրքական շտապ օգնության մեքենան հայտնվել Նոր Նորքում
Հասարակություն
13.12.2025 | 16:54
«Սուրբ Գրիգոր Լուսավորիչ» բժշկական կենտրոնի տնօրեն Նարեկ Զեյնալյանը պարզաբանում է ներկայացրել համացանցում տարածվող տեսանյութի առնչությամբ, որում երևում է՝ ինչպես է Նոր Նորք վարչական շրջանի փողոցներով թուրքական շտապ օգնության մեքենա շրջում։
«Ինձ համար անհասկանալի և անընդունելի է, երբ շահարկում են հիվանդ տեղափոխող այլ պետության շտապ օգնության մեքենան և քաղաքական երանգավորում տալիս՝ անկախ այն հանգամանքից, թե որ պետության շտապ օգնության մեքենա է։
Հիմա դեպքի հետ կապված.
Ազգությամբ եզդի, Հայաստանի Հանրապետության քաղաքացուն, Ֆրանսիայի Կոլմար քաղաքից, շտապ օգնության մեքենայով տեղափոխել են Հայաստան՝ Սուրբ Գրիգոր Լուսավորիչ բժշկական կենտրոն։
Հ.Գ. «Հայրենասերներին» առաջարկում եմ ինչ որ այլ հետաքրքրություն գտնել իրենց կյանքում»,-ասել է նա։
Նշենք՝ «Սուրբ Գրիգոր Լուսավորիչ» ԲԿ-ն գտնվում է Նոր Նորք վարչական շրջանում։
Ավելի ուշ Ազգային ժողովի պատգամավոր Ռուստամ Բաքոյանը հայտնել է, որ իր երիտասարդ ազգակցին ինքն է օգնել՝ Ֆրանսիայի Կոլմար քաղաքից, շտապ օգնության մեքենայով տեղափոխեն Հայաստան։
«Անընդունելի եմ համարում և դատապարտում նման զգայուն հարցը քաղաքական շահարկման թեմա դարձնելը»,-նշել է նա։
