10.12.2025 | 22:00
Կհրապարակենք 44-օրյայի զեկույցից դետալներ՝ ոչ գաղտնի մասերը․ ծածկադմփոց չի՛ արվել․ Գագիկ Մելքոնյան․ ՏԵՍԱՆՅՈՒԹ
Հայ բռնցքամարտիկները հաջողություններ են գրանցել աշխարհի առաջնությունում
Հասարակություն
10.12.2025 | 21:17
Հայաստանի բռնցքամարտի ֆեդերացիան հայ մարզիկների հաջողություններով է կիսվել։ Հայաստանի 4 ներկայացուցիչներ արդեն աշխարհի առաջնության կիսաեզրափակիչում են։
«60 կգ քաշային Արթուր Բազեյանը աշխարհի առաջնության կիսաեզրափակիչի առաջին ուղեգիրն է ապահովում Հայաստանի համար։ Մեր մարզիկը շատ վստահ առավելության հասավ Լատվիան ներկայացնող Մաթեուս Պրոկուդինիսի նկատմամբ։ Առաջին երկու ռաունդներում ունենալով նկատելի առավելություն 3-րդ ռաունդում Բազեյանը գործեց հաղթողի դիրքից և գործը հասցրեց նպատակին։ Նա իր կարիերայում առաջին անգամ է աշխարհի առաջնության կիսաեզրափակիչում։
Հովհաննես Բաչկովը ապահովում է Հայաստանի 2-րդ կիսաեզրափակիչի ուղեգիրը։ Մեր ամենատիտղոսակիր բռնցքամարտիկը բելառուս Վադիմ Վաուչոկի հետ մենամարտում իրեն հատուկ ոճով ուժգին հարվածների տարափ էր հասցնում, բայց բելառուս բռնցքամարտիկը նույնպես ամրակազմ էր ու արժանի պայքար մղեց։ Այսուհանդերձ Բաչկովի մեծ փորձն ու որակները նրան հնարավորություն տվեցին հերթական անգամ դուրս գալ աշխարհի առաջնության կիսաեզրափակիչ։
Ռաֆայել Հովհաննիսյանը շատ ծանր մենամարտում հաղթում է Էկվադորի ներկայացուցչին ու կարիերայում առաջին անգամ դուրս գալիս աշխարհի առաջնության կիսաեզրափակիչ։ Սա մեր հավաքականի 3 մեդալն է։
Դավիթ Չալոյանը վերադառնում է բռնցքամարտի աշխարհի առաջնության պատվո հարթակ։ 4 տարի անց գյումրեցի մարիզկը կրկին կլինի պատվո հարթակին։
2021 թվականի աշխարհի փոխչեմպիոնը նկատելի առավելությամբ հաղթանակի հասավ բռնցքամարտում հարուստ ավանդույթներ ունեցող Ղազախստանի ներկայացուցչի նկատմամբ։ Սա Հայաստանի կիսաեզրափակիչի 4-րդ ուղեգիրն է»,-հայտնում են ֆեդերացիայից։
