01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Կաշառքի գործով ձերբակալվել են «Կանազ»-ի հոսպիտալի հոգեբուժական բաժանմունքի բժիշկն ու ևս 5 անձ
Հասարակություն
04.12.2025 | 11:47
Հակակոռուպցիոն կոմիտեն հաստատեց զինվորական ծառայությունից ազատելու դիմաց կաշառքի ստանալու մասին տեղեկությունը։ Factor TV-ի հարցմանն ի պատասխան՝ իրավապահ կառույցից հայտնեցին, որ հիվանդության սիմուլյացիայի եղանակով և կեղծ փաստաթղթերի օգտագործմամբ զինվորական ծառայությունից կաշառքի դիմաց ազատելու, դրանց կատարմանն օժանդակելու դեպքերի առթիվ Հակակոռուպցիոն կոմիտեում իրականացվող քրեական վարույթով ձերբակալվել է 6 անձ։
«Ձերբակալված անձանց թվում է կաշառք ստացած՝ ՀՀ ՊՆ Երևանի կայազորային զինվորական հոսպիտալի հոգեբուժական բաժանմունքի բժիշկը, ում նկատմամբ որպես խափանման միջոց է կիրառվել կալանքը»,- հայտնեցին Կոմիտեից։
Ավելի վաղ Factor TV-ն գրել էր ձերբակալությունների մասին։
Ռոզա Վարդանյան
