Փաշինյանի անունից «Աղոթքի նախաճաշ»-ին մատուցված ընթրիքի ծախսերը պետական գաղտնիք են․ միջոցառման կազմակերպիչը Աննա Հակոբյանի՝ դատական գործերով անցնող գործընկերն է

Լուրեր

17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
Բոլորը

Որքա՞ն գումար է ծախսվել պետական բյուջեից նոյեմբերի 14-15-ին Երևանում «Աղոթքի նախաճաշ» կազմակերպելու համար։ Պարզվում է՝ այս հարցի պատասխանը պետական գաղտնիք է։ Factor.am-ի գրավոր հարցմանն ի պատասխան՝ այս մասին հայտնել են Հայաստանի վարչապետի աշխատակազմից։

Միաժամանակ, գերատեսչությունից տեղեկացրել են, որ «Աղոթքի նախաճաշ»-ը կազմակերպել է «Աշխարհիկ մարդկանց հոգևոր ակումբ» ՀԿ-ն։ Պատասխանում նշված է, որ վարչապետի աշխատակազմի կողմից կազմակերպվել է միայն «Աղոթքի նախաճաշ»-ի մասնակիցների համար տրվող գալա ընթրիքը, որի ծախսերն էլ աշխատակազմը, պետական գաղտնիքի հիմնավորմամբ, չի տրամադրում։

«Աղոթքի նախաճաշ»-ը առաջին անգամ անցկացվել է 1953 թվականին՝ Վաշինգտոնում։ Այն նախաձեռնեցին կոնգրեսականները՝ նպատակով ստեղծել ոչ պաշտոնական ու ոչ քաղաքական հարթակ, որտեղ քաղաքական, բիզնես և կրոնական առաջնորդները կարողանան քննարկել արժեքներին առնչվող թեմաներ։ 2025 թվականի փետրվարին ԱՄՆ-ում կայացած «Աղոթքի նախաճաշ»-ին մասնակցեց նաև վարչապետ Նիկոլ Փաշինյանը։ Մի քանի ամիս անց համանման միջոցառում կազմակերպվեց ՀՀ-ում։

Երևանում անցկացված «Աղոթքի նախաճաշ»-ը փակ միջոցառում էր, լրագրողները լուսաբանելու հնարավորություն չունեին։ Միակ աղբյուրը վարչապետի աշխատակազմի հրապարակած տեղեկություններ են։ Պաշտոնական լրատվությունից հայտնի է դառնում, որ ելույթով հանդես է եկել Նիկոլ Փաշինյանը։ Ներկաների թվում են՝ ԿԳՄՍ նախարար Ժաննա Անդրեասյանը, վարչապետի խորհրդական Լիլիթ Մակունցը, ԱԺ մարդու իրավունքերի մշտական հանձնաժողովի նախագահ Ռուստամ Բաքոյանը։

Անդրադառնալով «Աղոթքի նախաճաշ»-ը Երևանում կազմակերպած «Աշխարհիկ մարդկանց հոգևոր ակումբ» ՀԿ-ին՝ նշենք մեկ ուշագրավ փաստ։ Factor.am-ն իրավաբանական անձանց պետական ռեգիստրից տեղեկացավ, որ ՀԿ-ն հիմնադրվել է «Աղոթքի նախաճաշ»-ի կազմակերպումից ընդամենը երկու ամիս առաջ՝ 2025 թվականի սեպտեմբերի 8-ին։ ՀԿ-ի կանոնադրությունից տեղեկանում ենք, որ այն յուրաքանչյուր տարի ՀՀ-ում կազմակերպելու է «Աղոթքի նախաճաշ»։

«Աշխարհիկ մարդկանց հոգևոր ակումբ» կազմակերպության նախագահը Ստեփան Սարգսյանն է։ Նա Փաշինյանի և նրա տիկնոջ կողմից իրականացվող «Կրթվելը նորաձև է» ծրագրի ղեկավարն է։ Այս մասին Factor.am-ը տեղեկանում է Աննա Հակոբյանի կողմից հիմնադրված «Իմ քայլը» հիմնադրամի պաշտոնական կայքից։

Ստեփան Սարգսյանն Արցախի Բերձոր քաղաքից է։ Նրա անվանը հանդիպում ենք նաև մի քանի այլ ընկերություններում։ Ըստ իրավաբանական անձանց պետական ռեգիստրի տվյալների՝ նա 80 տոկոս բաժնեմաս ունի «Բերք Գրուպ» ՍՊԸ-ում, որը, ըստ ՊԵԿ-ի, զբաղվում է սննդամթերքի, խմիչքների և ծխախոտային արտադրատեսակների՝ գերակշռությամբ մանրածախ առևտրով ոչ մասնագիտացված խանութներում։ Ընկերությունը հիմնադրված է Արագածոտնի մարզի Թալին քաղաքում։

Ռեգիստրի համաձայն՝ ընկերության նկատմամբ կիրառված է սահմանափակում։ Դեռևս 2022 թվականից այն պետբյուջե պետք է վճարի 1 մլն 756 հազար դրամ։ Ընկերությունը սնանկացման գործընթաց է սկսել և կես մլն դրամ էլ պարտք է սնանկության գործով կառավարչին։

«Դատալեքս» տեղեկատվական համակարգից էլ Factor.am-ը պարզեց, որ Աննա Հակոբյանի գործընկերոջ՝ Ստեփան Սարգսյանի «Բերք Գրուպ» ՍՊԸ-ի դեմ 25 դատական հայց կա։ Դատական գործերից մեկից տեղեկանում ենք, որ «ՄԲ Հոլդինգ» ՍՊ ընկերությունը դատի է տվել և պահանջել 21 հազար 779 դրամ, քանի որ «Բերք Գրուպ» ՍՊԸ-ն գումարը վերցրել է, իսկ ապրանքը չի մատակարարել։ Դատարանը պարտավորեցրել է հետ վերադարձնել գումարը։ Մեկ այլ գործով դատարանը բավարարել է «Մոսկվա Սիթի» ՍՊԸ-ի հայցը և «Բերք Գրուպ» ՍՊԸ-ին պարտավորեցնել վճարել 232 հազար դրամ։ Եվս մեկ գործով պահանջվում է շուրջ կես մլն դրամ և այլն։ Ստեփան Սարգսյանի ընկերությանը դրամական պահանջներ են ներկայացրել նաև «Յուքոմը», «Էվոկաբանկը»։

Ի դեպ, «Բերք Գրուպ» ՍՊԸ-ն արտարժույթի առքուվաճառքի լիցենզիա է ունեցել, որը ԿԲ-ն դադարեցրել է ընկերության դիմումի հիման վրա։

«Աղոթքի նախաճաշ» կազմակերպած Սարգիս Ստեփանյանը 80 տոկոս բաժնեմաս էլ ունի 2021 թվականին հիմնադրված և կրկին Թալինում գործող «Լեհոստ» ՍՊԸ-ում։ Այն զբաղվել է ոչ մասնագիտացված մեծածախ առևտրով։ Ընկերության վրա կրկին արգելանք է կիրառված, պետբյուջե տուգանքներ վճարելու պարտավորություն ունի։

Ինչպե՞ս է ստացվել, որ վարչապետի տիկնոջ գործընկերն է կազմակերպել «Աղոթքի նախաճաշ»-ը՝ միջոցառումից երկու ամիս առաջ հիմնադրված ՀԿ-ով։ Թեմայի վերաբերյալ Ստեփան Սարգսյանը Factor.am-ին փոխանցեց․ «ՀԿ-ն բացառապես այդ նպատակով է հիմնադրվել, որպեսզի այդ միջոցառումը կազմակերպենք ընկերներով։ Իրավաբանական անձ էր հարկավոր, դրա համար է ստեղծվել»։ 

Ստեփան Սարգսյանն անդրադառնալով Աննա Հակոբյանի հիմնադրամում աշխատանքին և պատասխանելով հարցին՝ արդյո՞ք դրա համար նախապատվությունը չի տրվել իրեն, ասաց․ «Ամենևին, որևէ կապ չկա։ Դրանք երկու տարբեր ծրագրեր են, առնչություն չկա։ Այդ ամենը մինչև իմ՝ հիմնադրամում աշխատանքի անցնելն է նախաձեռնվել, իրար հետ կապ չունեն»։

Factor.am-ի ճշտող հարցին ի պատասխան Սարգսյանն ասաց, որ հիմնադրամում աշխատանքի ընդունվել է այս ամռան վերջում։ Նկատենք, որ ըստ ռեգիստրի, ՀԿ-ն հիմնադրվել է սեպտեմբերին՝ այսինքն նրա՝ հիմնադրամում աշխատանքի անցնելուց հետո։

Սարգսյանը հավաստիացնում է, որ կառավարությունից «Աղոթքի նախաճաշ»-ը կազմակերպելու համար ֆինանսավորում չի ստացել, աջակցել են մասնավոր հովանավորները։

Անդրադառնալով իր ընկերության դեմ դատական հայցերին՝ նա փոխանցեց․ «Դա ընդհանրապես այս միջոցառման հետ կապ չունի։ Մասնավոր ընկերություն է, ես ներդրող եմ եղել և ոչ միակ ներդրողը»։ 

 

Նարեկ Կիրակոսյան