16.11.2024 | 16:28
Երևանի Նազարբեկյան փողոցում կրակոցներ են հնչել․ 42-ամյա տղամարդ է մահացել
Հին իշխանությունն ընտրակաշառք բաժանեց՝ միաձայն քվեարկելով համաներման օգտին. Ազատ Արշակյան. ՏԵՍԱՆՅՈՒԹ
Քաղաքականություն
01.11.2018 | 18:15
Հին իշխանությունն ընտրակաշառք բաժանեց՝ միաձայն քվեարկելով համաներման օգտին: Այսօր՝ նոյեմբերի 1-ինՙ Համաներման մասին օրինագծի թեմայով հրավիրված ասուլիսին նման կարծիք հայտնեց Գերագույն խորհրդի նախկին պատգամավոր Ազատ Արշակյանը:
«Նախորդ իշխանությունն ինչ հնարանքով եկել էր Ազգային ժողով՝ ընտրակեղծիքով, ընտրակաշառքով, ընտրակաշառքով էլ հեռանում է իշխանությունից: Սա, կարծում եմ, նախընտրական արշավի կարևոր բաղադրիչ է: Հին իշխանությունն ընտրակաշառք է բաժանում՝ միաձայն քվեարկելով հեղափոխականների հետ միասին: Նրանք հիմա կաշառք են բաժանում, որ մեզ կընտրեք, մենք բարի ենք, մենք մեծահոգի ենք»,- հայտարարեց Ազատ Արշակյանը:
Նրա կարծիքով՝ հեղափոխական իշխանությունը նախ պարտավոր էր քաղաքական գնահատական տալ նախորդ իշխանություններին: «Հեղափոխական իշխանությունը պարտավոր էր համաներում հայտարարել նախորդ իշխանություններին քաղաքական գնահատական տալուց հետո: Ու եթե պարզվեր, որ, իր գնահատականով, արդարադատություն չի եղել, ուրեմն անհրաժեշտ է վերականգնել արդարությունը»,- հավելեց ԳԽ նախկին պատգամավորը:
Մանրամասները՝ տեսանյութում:
