08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Դեռահասները դաժան ծեծի և նվաստացման են ենթարկել ուսանողի. 5 անչափահաս ձերբակալվել է
28.11.2025 | 00:08
Համացանցում օգտատերերից Նանար Պողոսյանը տեսանյութ է տարածել, որտեղ երևում է, թե ինչպես են մի խումբ դեռահասներ դաժան ծեծի և նվաստացման ենթարկում մեկ այլ տղայի։ Օգտատերը տեսանյութին կից նշել է, որ բռնություն ենթարկողները Զորականի դպրոցի բարձր դասարանի աշակերտներ են, իսկ ծեծի ենթարկվող տղան՝ Նոյեմբերյանի պետական քոլեջի ուսանող։ Մոտ 2 րոպե տևողությամբ տեսանյութում տղաները հարվածում և հայհոյում են ուսանողին։
Ներքին գործերի նախարարությունից FactorTV-ին հայտնեցին, որ ՆԳՆ Համայնքային ոստիկանության Նոյեմբերյանի բաժնի ծառայողները տեսանյութում երևացող բոլոր անձանց հայտնաբերել են, խուլիգանության կասկածանքով ձերբակալել և ներկայացրել նախաքննական մարմին։
Խուլիգանության դեպքի առթիվ նախաձեռնվել է նաև քրեական վարույթ։ Ինչպես FactorTV-ին հայտնեցին Քննչական կոմիտեից՝ վարույթի շրջանակում 5 անձի նկատմամբ հարուցվել է հանրային քրեական հետապնդում։
FactorTV-ի տեղեկություններով՝ 5-ն էլ անչափահաս են։
Ռոզա Վարդանյան
