08.08.2026 | 12:34
Փաշինյանն ու Ալիևը հեռախոսազրույց են ունեցել
2008թ. նախագահական ընտրություններից հետո աշխատանքից զրկված 10 դիվանագետի հարցով Փաշինյանը հրահանգ է տվել ԱԳ նախարարին․ ՏԵՍԱՆՅՈՒԹ
Քաղաքականություն
01.11.2018 | 14:08
2008 թվականի նախագահական ընտրություններից հետո 10 դիվանագետներ՝ փոխնախարար, դեսպաններ, արտաքին գործերի նախարարության վարչության պետեր հայտնեցին իրենց աջակցությունը ժողովրդական շարժմանը, որի արդյունքում զրկվեցին իրենց աշխատանքից․ չե՞ք կարծում, որ այժմ այդ մարդկանց իրավունքները պետք է վերականգնվեն, որպեսզի մեր երկրում դիվանագիտությամբ զբաղվեն դիվանագետները, ոչ թե բիզնեսմեններն ու նրանց հավասարեցված այլ անձինք, որոնք դիվանագիտության հետ որևէ առնչություն չունեն։
Այս մասին այսօր Ազգային ժողովում վարչապետի պաշտոնակատար Նիկոլ Փաշինյանին ասաց ԱԺ «Ծառուկյան» խմբակցության պատգամավոր Նաիրա Զոհրաբյանը։
Պատգամավորի հարցին ի պատասխան՝ Նիկոլ Փաշինյանն ասաց․ «Այդ կապակցությամբ ես արդեն հանձնարարական եմ տվել արտգործնախարարին, և արդեն այդ մարդկանցից Արմեն Բայբուրդյանը նշանակվել է Լոս Անջելեսում ՀՀ հյուպատոս։ Արտգործնախարարն իմ հանձնարարությամբ զբաղվում է այդ խնդրով, որպեսզի այնտեղ, որտեղ առնչվում ենք արդարության վերականգնման հետ, այն վերականգնվի»։
Մանրամասները՝ տեսանյութում։
