18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Թույլ չենք տալու, որ Հյուսիս-հարավի կառուցումը շարունակվի նույն ձևով․ ատկատներ չեն լինելու. Նիկոլ Փաշինյան. ՏԵՍԱՆՅՈՒԹ
Տնտեսություն
01.11.2018 | 12:55
Թույլ չենք տալու, որ Հյուսիս-հարավի կառուցումը շարունակվի նույն ձևով, ատկատներ չեն լինելու: Այս մասին այսօր՝ նոյեմբերի 1-ին, ՀՀ Ազգային ժողովում ունեցած ելույթում հայտարարեց վարչապետի թեկնածու առաջադրված Նիկոլ Փաշինյանը:
«Որևէ կասկած չկա, և հիմա արդեն դա կարող ենք հաստատված փաստ համարել, որ Տրանշ-1 ծրագրի շրջանակում իրականացված շինարարությունը չի համապատասխանում որակական չափանիշներին, և մենք հետևողական ենք լինելու, որպեսզի դրանք բաց թողնված վերականգնվեն, ճանապարհը բերվի պատշաճ մակարդակի»,- հավելեց Փաշինյանը:
Ըստ նրա՝ ժողովրդի ծախսած միջոցներն անպայման պետք է որոշակի արդյունք ունենան. «Սա մենք կանենք քրեական գործի շրջանակում, քաղաքացիական գործերի շրջանակում, թե բանակցությունների միջոցով… բոլոր գգործիքները կօգտագործենք: Բայց մեր երկրում, մեր ժողովրդի ծախսած միջոցները պետք է բերեն որոշակի արդյունքի»:
Փաշինյանը նշեց նաև, որ պետք է կանոններ հաստատել, որոնք հետագայում կբացառեն նույնանման մոտեցումներն ու չարաշահումները:
Մանրամասները՝ տեսանյութում:
