07.09.2026 | 11:52
Ուկրաինական ԱԹՍ-ների հարձակման հետևանքով Պերմում բնակելի շենք է վնասվել․ կա զոհ․ ՏԵՍԱՆՅՈՒԹ
Արսեն Թորոսյանը և UNHCR-ի ներկայացուցիչը քննարկել են տեղահանվածների աջակցության ծրագրերը
Հասարակություն
20.11.2025 | 21:10
Աշխատանքի և սոցիալական հարցերի նախարար Արսեն Թորոսյանը հանդիպել է UNHCR-ի հայաստանյան գրասենյակի ներկայացուցիչ Մոնիկա Սանդրիի հետ․ կողմերը քննարկել են Ղարաբաղից բռնի տեղահանված անձանց աջակցման, սոցիալական բնակապահովման և կանանց տնտեսական հզորացման ծրագրերի իրականացման ընթացքն ու հետագա համագործակցության քայլերը։
«Հանդիպման ընթացքում քննարկվել են աշխատանքի և սոցիալական պաշտպանության ոլորտում համագործակցության ուղղություններին ու նախատեսվող աշխատանքներին առնչվող մի շարք հարցեր, այդ թվում՝ Ղարաբաղից բռնի տեղահանված անձանց աջակցության միջոցառումների, սոցիալական բնակապահովման ընթացքի, ինչպես նաև կանանց տնտեսական հզորացման ծրագրերի վերաբերյալ։
Անդրադառնալով Ղարաբաղից բռնի տեղահանված անձանց ուղղությամբ իրականացվող սոցիալական աջակցության, բնակապահովման և զբաղվածության ծրագրերին՝ նախարար Թորոսյանը նշել է, որ հայրենակիցների արժանապատիվ կենսապայմանների ապահովումը շարունակում է լինել պետության առաջնահերթություններից։
Մոնիկա Սանդրին ևս բարձր է գնահատել ԱՍՀ նախարարության և UNHCR-ի միջև ձևավորված արդյունավետ համագործակցությունը և այն զարգացնելու պատրաստակամություն է հայտնել»,- ասված է հաղորդագրության մեջ։
