14.08.2026 | 00:08
Կոնֆերենցիաների լիգա. «Նոան» պարտվեց «Սյոնին» ու դուրս մնաց պայքարից. ՏԵՍԱՆՅՈՒԹ
Ռոբերտ Քոչարյանն հայցն ընդդեմ Նիկոլ Փաշինյանի ընդունվել է վարույթ
Հասարակություն
31.10.2018 | 19:47
Երևան քաղաքի ընդհանուր իրավասության առաջին ատյանի դատարանը վարույթ է ընդունել ՀՀ երկրորդ նախագահ Ռոբերտ Քոչարյանի հայցադիմումն ընդդեմ ՀՀ վարչապետի պաշտոնակատար Նիկոլ Փաշինյանի։
Ինչպես տեղեկանում ենք Datalex տեղեկատվական հարթակից, Ռոբերտ Քոչարյանի փաստաբան Հայկ Ալումյանը սեպտեմբերի 17-ին հայցադիմում է ներկայացրել դատարան` ընդդեմ Նիկոլ Փաշինյանի` հրապարակայնորեն ներողություն խնդրել պարտավորեցնելու պահանջով:
Երևան քաղաքի ընդհանուր իրավասության առաջին ատյանի դատարանն այն 28.09.2018թ. որոշմամբ վերադարձրել էր՝ խախտումները վերացնելու համար: Թույլ տրված խախտումները վերացնելուց հետո հայցադիմումը կրկին ներկայացվել է դատարան: Գործը մակագրվել է դատավոր Լիլիթ Սարգսյանին, որը հոկտեմբերի 19-ին որոշում է կայացրել Ռոբերտ Քոչարյանի կողմից ներկայացված հայցադիմումն ընդունել վարույթ և գործը նախապատրաստել դատաքննության:
