14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Արթուր Պողոսյանը ժամացույց է նվիրել Սուրեն Պապիկյանին
Հասարակություն
19.11.2025 | 12:10
ՊՆ նախարար Սուրեն Պապիկյանը «ԳՆՈՄՈՆ» ապրանքանիշի ձեռքի թանկարժեք ժամացույց է նվեր ստացել Քննչական կոմիտեի նախագահ Արթուր Պողոսյանից։ Factor.am-ը այս մասին տեղեկանում է Պապիկյանի՝ Կոռուպցիայի կանխարգելման հանձնաժողով ներկայացրած նվերների հաշվառման ձևաթղթից։
Ըստ նվերի նկարագրության՝ ժամացույցը ոսկեգույն է, ինքնալարվող մեխանիկական, տրամաչափը +-42մմ, բարձրությունը +-9մմ, գոտին բնական կաշի, սև տուփով։ Սուրեն Պապիկյանը ստացած նվերի արժեքը գնահատել է 185,000 դրամ։
Ըստ Արթուր Պողոսյանի հոկտեմբերի 28-ի հրամանով՝ քննչական կոմիտեի հետ սերտ և արդյունավետ համագործակցություն ապահովելու համար Պապիկյանը պարգևատրվել է։
Հիշեցնենք, որ «Հանրային ծառայության մասին» օրենքում կատարված փոփոխություններով սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
