06.10.2026 | 11:18
Ազգային ժողովի հրմշտոցը՝ ԼՈՒՍԱՆԿԱՐՆԵՐՈՎ
Շնորհավորում եմ բոլորիդ ՝ ժողովրդավարական ընտրությունների առիթով․ ՀՀ ժողովուրդը հաղթելու է 2026 թ․ խորհրդարանական ընտրություններում․ Փաշինյան
Քաղաքականություն
17.11.2025 | 08:06
ՀՀ վարչապետ Նիկոլ Փաշինյանը շնորհավորել է Վաղարշապատ խոշորացված համայնքի նորընտիր ղեկավար Արգիշտի Մեխակյանին, համայնքի ընտրողներին, «Քաղաքացիական պայմանագիր» կուսակցությանը, ՀՀ քաղաքացիներին՝ Վաղարշապատ համայանքում կայացած ՏԻՄ ընտրությունների առիթով՝ այն համարելով ժողվրդավարական ու համոզմունք է հայտնել, որ «Հայաստանի Հանրապետության ժողովուրդը հաղթելու է նաև 2026 թվականի խորհրդարանական ընտրություններում»։
Գրառումը՝ ստորև․
«Վաղարշապատ խոշորացված համայնքի սիրելի ընտրողներ, խոնարհվում եմ բոլորիդ առաջ եւ շնորհավորում եմ բոլորիդ նախեւառաջ՝ ժողովրդավարական ընտրությունների առիթով։
Ձեր ընտրությամբ մի քանի կարեւոր արձանագրում արեցիք․
1․ Դուք համայնքի ղեկավար ընտրեցիք «Քաղաքացիական պայմանագիր» կուսակցության թեկնածու Արգիշտի Մեխակի Մեխակյանին, հաստատելով, որ խաղաղ, բարեկեցիկ եւ ժողովրդավարական Հայաստանի Հանրապետությունը մեր նահատակների հիշատակը հավերժացնելու լավագույն միջոցն է, նրանց հիշատակին մատուցվող մեծագույն տուրքը։
2․ Աներկբա աջակցություն ցուցաբերեցիք մեր պետականությունը, անկախությունը, ինքնիշխանությունը, ազատությունը ուժեղացնելու «Քաղաքացիական պայմանագիր» կուսակցության ռազմավարությանը։
3․ Ձեր ընտրությամբ կարեւոր լիցք տվեցիք մեր սրբության սրբոցը՝ Մայր Աթոռ Սուրբ Էջմիածինը Կտրիճ Ներսիսյանից ազատելու գործընթացին։
4․ Գնահատեցիք նախորդող շրջանում «Քաղաքացիական պայմանագրի» կատարած աշխատանքը Ձեր համայնքում եւ ներողամիտ գտնվեցիք թույլ տրված սխալների համար։ Ուզում եմ այդ սխալների համար ներողություն խնդրել բոլորիցդ։
Շնորհավորում եմ Արգիշտի Մեխակյանին Վաղարշապատ խոշորացված համայնքի ղեկավար ընտրվելու առիթով եւ վաղարշապատցիներին եմ շնորհավորում համեստ, բայց որպես կառավարիչ իր աշխատանքի արդյունավետությունը ապացուցած Մեխակյանին ընտրելու առիթով։
«Քաղաքացիական պայմանագիր» կուսակցության իմ բոլոր գործընկերներին եմ շնորհավորում, ՀՀ բոլոր քաղաքացիներին եմ շնորհավորում 2026 թվականի համապետական ընտրությունների այս հնչուն նախերգանքի համար։
Հայաստանի Հանրապետության ժողովուրդը հաղթելու է 2026 թվականի խորհրդարանական ընտրություններում»։
Հիշեցնենք, որ երեկ՝ նոյեմբերի 16-ին, Վաղարշապատում կայացան ՏԻՄ ընտրություններ։ Կենտրոնական ընտրական հանձնաժողովն ամփոփել է համայնքի ավագանու ընտրությունների նախնական արդյունքները՝ բոլոր 47 տեղամասերից: «Քաղաքացիական պայմանագիր» կուսակցությունը ստացել է 15 հազար 298 քվե: ՔՊ կուսակցության ցուցակը գլխավորել է Արգիշտի Մեխակյանը:
