16.11.2024 | 13:22
Վահագն Խաչատուրյանը հանդիպել է ԱՀԿ գլխավոր տնօրենի հետ
Արտահերթ ընտրությունները տեղի կունենան հին ԸՕ-ով․ Արարատ Միրզոյան
Քաղաքականություն
30.10.2018 | 18:36
Դեկտեմբերին կայանալիք արտահերթ խորհրդարանական ընտրությունները կանցկացվեն հին Ընտրական օրենսգրքով:
Այդ մասին ի պատասխան Factor.am-ի հարցին՝ ասաց ՀՀ առաջին փոխվարչապետ Արարատ Միրզոյանը:
Հիշեցնենք, որ երեկ Ազգային ժողովում երկրորդ անգամ տապալվեց նոր Ընտրական օրենսգրքի փոփոխությունների փաթեթի ընդունումը: Ընտրական օրենսգքրի փոփոխությունների ընդունման համար անհրաժեշտ 63 քվեի փոխարեն կողմ քվեարկեց 62 պատգամավոր, այսինքն՝ ընդամենը մեկ ձայնի պատճառով օրենսգիրքը չընդունվեց:
Կողմ քվեարկողների թվում էին «Ելք» և «Ծառուկյան» խմբակցությունները ողջ կազմով, ՀՅԴ-ական 7 պատգամավորներից 5-ը և Նիկոլ Փաշինյանին աջակցություն հայտնած մի խումբ ՀՀԿ-ականներ:
Քվեարկությունից հետո արտահերթ նիստ նախաձեռնելու և Ընտրական օրենսգրքի փոփոխությունների նախագիծը կրկին ԱԺ օրակարգ ներառելու ուղղությամբ ջանքեր գործադրած պատգամավորները հայտարարեցին՝ իմաստ չեն տեսնում նոր ԸՕ-ն անցկացնելու երրորդ փորձն անել: Հավելենք, որ Կառավարության նախաձեռնությամբ խորհրդարան ուղարկված նոր Ընտրական օրենսգրքի փաթեթն առաջին անգամ տապալվել էր հոկտեմբերի 22-ին, այն ժամանակ նախագծին կողմ էր քվեարկել ընդամենը 56 պատգամավոր:
