12.01.2026 | 16:48
Դատական իշխանության անկախությունը սահմանադրական արժեք է․ Վահագն Խաչատուրյան
Քաղաքացիները ճանապարհը փակել են և թույլ չեն տվել ապամոնտաժել Լուսագյուղում տեղադրված խաչքարերը
Հասարակություն
11.11.2025 | 13:02
Վարչապետի աշխատակազմից հրաման է եկել Արագածոտնի մարզի Ապարանի համայնքապետարան՝ հրդեհային անվտանգության նկատառումներով համայնքում տեղադրված որոշ խաչքարեր ապամոնտաժելու վերաբերյալ։ Սակայն երբ համայնքապետարանը, համապատասխան տեխնիկայով, աշխատակիցներով գնացել է Լուսագյուղ՝ ապամոնտաժման աշխատանքներն իրականացնելու համար, Լուսագյուղի բնակիչները փակել են ճանապարն ու թույլ չեն տվել ապամոնտաժել։
Այս մասին Factor TV-ին ասաց Տեր Սարգիս քահանա Սարգսյանը, որը տեր Արամ քահանա Ասատրյանի կարգալույծ արվելուց հետո նշանակվել է Հովհաննավանքում և սպասարկում է նաև Լուսագյուղի Վերի վանք եկեղեցին։
«Բնակիչներն ասել են, որ թույլ չեն տա ապամոնտաժել իրենց տեղադրած խաչքարերը»,- ասաց Տեր Սարգիս քահանա Սարգսյանը՝ նշելով, որ Լուսակերտի Վերի վանք եկեղեցու մոտ տեղադրված է երկաթե խաչքար՝ վրան լույսերով, ինչպես նաև այլ խաչքարեր։
Ապարանի համայնքապետարանից մեզ հստակ տեղեկություն չտամադրեցին, թե ինչ հրամանի մասին է խոսքը, սակայն, ամենայն հավանականությամբ, այն բխում է վարչապետի՝ ավելի վաղ արած հայտարարությունների տրամաբանությունից։
Փաշինյանը դեռևս 3 տարի առաջ կառավարության նիստում խոսել էր այն մասին, որ «Հայաստանում խուճապային տեմպերով խաչքարեր ու խաչեր են ավելանում, և չի կարող լինել այնպես, որ ով որտեղ ինչ ցանկանա՝ կառուցի»։
«Վստահ չեմ, որ նման նախաձեռնության հեղինակներին Նոր կտակարանից կամ Աստվածաշնչից հարց տաս, կկարողանան պատասխանել»,- ասել էր Փաշինյանը՝ հայտնելով, որ պետք է ուսումնասիրել ինչ է կատարվում։
Արաքս Մամուլյան
