16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Երկու օրից պարզ կդառնա՝ ՀԷՑ-ը վերցնում են Կարապետյաններից, թե՝ ոչ․ հանձնաժողովը նիստ է նշանակել
10.11.2025 | 13:12
Հանրային ծառայությունները կարգավորող հանձնաժողովը քննարկելու է Սամվել Կարապետյանին պատկանող ՀԷՑ-ին էլեկտրական էներգիայի բաշխման լիցենզիայից զրկելու հարցը։ Այս մասին Factor.am-ը տեղեկանում է ՀԾԿՀ-ից։
Հանձնաժողովը տեղեկացնում է, որ նոյեմբերի 13-ին տեղի կունենա Հանրային ծառայությունները կարգավորող հանձնաժողովի նիստը, որի օրակարգում կքննարկվի «Հայաստանի էլեկտրական ցանցեր» փակ բաժնետիրական ընկերության էլեկտրական էներգիայի (հզորության) բաշխման №0092 լիցենզիան դադարեցնելու մասին հարցը։
Նշենք, որ ՀԷՑ-ը իշխանությունների ուշադրության կենտրոնում հայտնվեց հատկապես այն բանից հետո, երբ ընկերության սեփականատեր Սամվել Կարապետյանը հայտարարեց, թե «մեր ձևով մասնակցելու է» եկեղեցին իշխանություններից պաշտպանելուն։ Այս հայտարարությունից հետո ռուսաստանաբնակ միլիարդատեր Կարապետյանի նկատմամբ քրեական հետապնդում սկսվեց։ Նա կալանավորեց, որից հետո նրա աջակիցները հայտարարեցին քաղաքական ուժ հիմնադրելու մասին։
Այս ընթացքում ՀԾԿՀ նախագահ Մեսրոպ Մեսրոպյանը ՀԷՑ-ում ժամանակավոր պաշտոնակատար նշանակելու լիազորություն ստացավ, այդ պաշտոնը ստանձնեց ՔՊ-ական Ռոմանոս Պետրոսյանը։
Մինչ հանձնաժողվը վարույթ էր հարուցել, որպեսզի պարզի ՀԷՑ-ում խախտումներ կան, թե՝ ոչ, Նիկոլ Փաշինյանը չսպասելով ոլորտը կարգավորող մարմնի եզրակացությանը հայտարարեց, թե ՀԷՑ-ն ինչ ճակատագիր է ունենալու։
Փաշինյանը երկու սցենար էր ներկայացրել, որոնցից ոչ մեկով ՀԷՑ-ը չի մնում Կարապետյաններին։
Նարեկ Կիրակոսյան
