07.10.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Խուճապի մատնվել պետք չէ, տնտեսության տեմպերի աճի սպասում կարելի է ունենալ խորհրդարանական ընտրություններից հետո․ Բագրատ Ասատրյան․ ՏԵՍԱՆՅՈՒԹ
Տնտեսություն
30.10.2018 | 12:50
Թեպետ 2018 թ-ի վերջին երկու ամսում տնտեսական ակտիվության աճի տեմպերը կտրուկ դանդաղել են, սակայն դրանից ողբերգություն սարքել պետք չէ։ Այս մասին այսօր «Տնտեսության ակտիվությունը դանդաղում է․ տնտեսական, թե քաղաքական պատճառներ» թեմայով քննարկման ժամանակ ասաց ՀՀ ԿԲ նախկին նախագահ, տնտեսագետ Բագրատ Ասատրյանը։
Վերջինս նշեց, որ նախորդ տարվա նույն ժամանակահատվածի հետ համեմատ, թեև այս տարի տնտեսության աճի տեմպի նվազում է առկա, սակայն դա հետևանք է նաև նրա, ինչ կատարվեց ՀՀ-ում՝ թավշյա հեղափոխության արդյունքում։
«Այսօր որոշիչն այն անորոշությունն է, որն առկա է մեր քաղաքական կյանքում։ Նախկինում ակտիվորեն քննարկվում էին տնտեսական աճի ցուցանիշները, որոնք ուզած-չուզած մղվել են երկրորդ պլան։ Այս հարցում նոր սպասումներ կարելի է ունենալ միայն քաղաքական իրավիճակի հստակությունից և խորհրդարանական ընտրություններից հետո։ Տնտեսության ակտիվացման տեմպերի դադարեցման հետ են կապված նաև որոշակի արտաքին գործոններ, որոնցից են, օրինակ, նավթի գինը, պղնձի, ոսկու միջազգային գների կրճատումը, քանի որ մեր արտաքին առևտրի զգալի հատվածը այս ճյուղն էր զբաղեցնում։ Տնտեսության զարգացման տեմպերի դանդաղեցմանը նպաստող գործոն է նաև այն, որ ՌԴ-ից ստանում ենք աճի բացասական միտումներ, որին ավելանում է նաև ռուսական ռուբլու արժեզրկումը»,- ասաց Բարգրատյանը։
Տնտեսագետն անդրադարձավ նաև ներդրումների աճի տեմպերի նվազեցման մասին լուրերին, և նշեց, որ խուճապի մատնվել պետք չէ, քանի որ ներդրումների վիճակն այնպիսին է, ինչպես նախորդ տարիներին էր։
Մանրամասները՝ տեսանյութում։
