30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ծանրորդ Էմմա Պողոսյանը՝ Եվրոպայի երիտասարդական չեմպիոն
Հասարակություն
03.11.2025 | 16:32
Էմմա Պողոսյանը Հայաստանի չորրորդ ոսկե մեդալը նվաճեց Ալբանիայում ընթացող Եվրոպայի երիտասարդների և մինչև 23 տարեկանների առաջնություններում:
Երիտասարդների պայքարի 86 կգ քաշային կարգում հայ մարզուհին երկամարտում գրանցեց 241 կգ արդյունք ու նվաճեց չեմպիոնի տիտղոսը։ Երկամարտում Պողոսյանը 2 կգ գերազանցեց երկրորդ տեղը գրաված թուրք Բուսրա Կանին։
Պոկում վարժությունում Էմմա Պողոսյանը գրանցեց երեք հաջող մոտեցում և 105 կգ արդյունքով արժանացավ փոքր բրոնզե մեդալի: Հրում վարժությունում Հայաստանի ներկայացուցիչը բարձրացրեց 136 կգ` սահմանելով Եվրոպայի երիտասարդական ռեկորդ ու նվաճելով փոքր ոսկե մեդալ։
Նոյեմբերի 3-ին Հայաստանն ունի ևս 4 ներկայացուցիչ։ Մրցահարթակ դուրս կգան նաև Լիանա Գյուրջյանը (86 կգ), Ալինա Սուքիասյանը (+86 կգ), Միշա Մելքոնյանը (110 կգ) և Վարդգես Մարգարյանը (+110 կգ)։
