05.06.2026 | 00:02
Փաշինյանին և Թաթոյանին զրկեցին խոսքի իրավունքից. ՏԵՍԱՆՅՈՒԹ
Հայաստանի հավաքականի երկու ֆուտբոլիստներ նոր մարզիչներ ունեն
Հասարակություն
03.11.2025 | 13:33
Լեհական «Լեգիան» ու խորվաթական «Օսիեկը» ունեն նոր գլխավոր մարզիչ, հաղորդում են ակումբների մամուլի ծառայությունները։
«Լեգիայի» գլխավոր մարզիչի պաշտոնից հեռացվել է Էդվարդ Յորդանեսկուն, որին ժամանակավորապես կփոխարինի նրա օգնականներից Ինիակի Աստիսը։ 47-ամյա ռումինացի մասնագետը 2025թ. հուլիսից էր գլխավորում Վարշավայի թիմը, որի կազմում խաղում է Հայաստանի ազգային հավաքականի կիսապաշտպան Վահան Բիչախչյանը։ Լեհաստանի ընթացիկ առաջնությունում երկրի 15-ակի չեմպիոն «Լեգիան» 13 խաղից հետո 17 միավորով 9-րդն է։
«Օսիեկի» գլխավոր մարզիչ է նշանակվել խորվաթ մասնագետ Ժելկո Սոպիչը։ 51-ամյա մարզիչի նախորդ աշխատավայրը եղել է լեհական «Վիձևը», որտեղ աշխատել է 2025 թվականին։ «Օսիեկի» գլխավոր մարզիչի պաշտոնում Ժելկո Սոպիչը կփոխարինի սլովենացի մասնագետ Սիմոն Ռոզմանին, որը 2025 թվականի մարտից էր աշխատում խորվաթական ակումբում։
«Օսիեկում» է խաղում Հայաստանի ազգային հավաքականի պաշտպան Ստյոպա Մկրտչյանը։ Խորվաթիայի առաջնության 12-րդ տուրից հետո թիմը 10 միավորով նախավերջին՝ 9-րդ տեղում է։
