07.09.2026 | 12:39
ՌԴ-ն հարվածել է Զապորոժիեի մարզի առևտրի կենտրոնին․ Սլավյանսկում վիրավորվել է չորս մարդ
Աշխարհի գավաթ․ Գաբրիել Սարգսյանը հաղթանակով է մեկնարկել
02.11.2025 | 16:20
Հնդկաստանի Գոա նահանգում մեկնարկել է ՖԻԴԵ-ի աշխարհի գավաթի խաղարկությունը, որտեղ Հայաստանն ունի 5 շախմատիստ։
Հաղթանակով է մեկնարկել միայն գրոսմայստեր Գաբրիել Սարգսյանը, որը սպիտակ խաղաքարերով առավելության է հասել Շրի Լանկայի ներկայացուցիչ, միջազգային վարպետ Ռանինդու Դիլշան Լիանագեի նկատմամբ:
Կարեն Գրիգորյանը սև խաղաքարերով ոչ-ոքի է խաղացել գրոսմայստեր Ահմեդ Ադլիի (Եգիպտոս) հետ, Ռոբերտ Հովհաննիսյանը սև ֆիգուրներով միավորը կիսել է Մալայզիան ներկայացնող ՖԻԴԵ-ի վարպետ Մոհան Հավինի (Մալայզիա) հետ, իսկ Հայկ Մարտիրոսյանը սև խաղաքարերով խաղաղությամբ է բաժանվել ՖԻԴԵ-ի վարպետ Սատրիա Դուտա Չահայայի (Ինդոնեզիա) հետ:
Հայաստանի ներկայացուցիչներից մրցաշարին մասնակցում է նաև գրոսմայստեր Շանթ Սարգսյանը (33-րդ մեկնարկային համար), որը նոյեմբերի 2-ին պայքարին կմիանա երկրորդ տուրից: Մեկնարկային աղյուսակի առաջին 50 շախմատիստները մրցաշարը սկսում են երկրորդ խաղափուլից։
Աշխարհի գավաթն անցկացվում է նոկաուտ ձևաչափով՝ 8 խաղափուլով: Յուրաքանչյուր խաղափուլում մասնակիցները խաղում են երկու դասական պարտիա: 1։1 հաշվի դեպքում հաղթողը որոշվում է արագ և կայծակնային շախմատի թայ-բրեյքում:
