03.10.2026 | 13:55
ՄԻՊ-ն այցելել է Շաքիում ադրբեջանցու կողմից հրազենային վիրավորում ստացած Անի Ավետիսյանին
Երբևէ չի եղել այս չափի պետական ծրագիր. Թորոսյանը՝ ԼՂՀ-ից տեղահանվածների բնակապահովման մասին․ ՏԵՍԱՆՅՈՒԹ
Հասարակություն
30.10.2025 | 16:18
«Ճգնաժամերի հակազդման և արտակարգ իրավիճակների հետեւանքների նվազեցման ու վերացման նպատակով առանձին սոցիալական խմբերին տրվող սոցիալական աջակցությանը կուղղվի 55 մլրդ դրամ: Ծրագրի բյուջեն նախորդ տարվա համեմատ ավելի է 20 մլրդ դրամով կամ 57,1 տոկոսով: Սա Ղարաբաղից տեղահանված մեր հայրենակիցների աջակցության ծրագրերի բյուջեն է»,- այս մասին ԱԺ մշտական հանձնաժողովների համատեղ նիստում ասաց Աշխատանքի և սոցիալական հարցերի նախարար Արսեն Թորոսյանը։
Նախարարն անդրադարձավ նաև ԼՂՀ-ից տեղահանված բնակարանային ապահովման ծրագրին։ Նրա փոխանցմամբ՝ ծրագրի ֆինանսական ընդհանուր չափը գնահատվում է 800 մլրդ դրամի շրջանակում:
«Ծրագրի շրջանակում 3202 ընտանիք ստացել է հավաստագիր, որոնցից շուրջ 1200-ն արդեն իրացրել են իրենց հավաստագրերն ու բնակվում են սեփական տներում»,- նշել է Թորոսյանը՝ շեշտելով, որ երբրևէ չի եղել այս չափի պետական ծրագիր։
Մանրամասները՝ տեսանյութում։
Մանյա Պողոսյան
