29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Զանգ ԱԱԾ-ի անունից, համագործակցելու կոչ, գումարի շորթում․ խաբեության նոր մեխանիզմ է թափ առնում․ ՏԵՍԱՆՅՈՒԹ
Հասարակություն
30.10.2025 | 15:35
Գումար շորթելու նոր մեխանիզմ է թափ առնում, դրա զոհն են դարձել շատ տարբեր մարդիկ՝ բիզնեսի ոլորտից մինչև բժիշկ ու երաժիշտ։ Մեդիափորձագետ Սամվել Մարիտիրոսյանը նկարագրել է, թե ինչպես են գործում խաբեբաները։
1․ Կեղծ WhatsApp, Viber հաշվով Ձեզ հետ կապվում է Ձեզ մտերիմ մարդու կրկնօրինակը։ Ասում է,որ ԱԱԾ-ն հայտնաբերել է լուրջ խնդիր ու պետք է համագործակցել։ Ու կկապվի ինչ-որ անունով ԱԱԾ աշխատակից։
2․ Զանգում է կեղծ աշխատակիցը, խոսում է ռուսերեն, ասում՝ որ, իբր, Ադրբեջանից Ձեր հաշվին միլիոնավոր դոլարներ են փոխանցել։ Հարցին՝ ինչու եք ռուսերեն խոսում, պատասխանում է սա Ադրբեջանի հետ համատեղ գործողություն է, ու նյութերը պետք է օգտագործվեն նաև այնտեղի դատարանում։
3․Հետո ԿԲ-ին են հղում անում և նշում, որ Ձեր գումարները բանկից պետք է կանխիկացնել, ու ուղարկել նոր հաշվի, որ խնդրահարույց գումարի հետ չխառնվի։
Այսպիսով եթե հետևում եք այս հրահանգներին, Ձեր գումարը հայտնվում է խաբեբաների հաշվեհամարի վրա։
Մարտիրոսյանը զգուշացնում է՝ այս հարձակումների թիրախում հիմնականում հայտնվել են քաղհասարակության և մամուլի ներկայացուցիչներ։
Խաբեբաաները շատ լավ ուսումնասիրում են մարդկանց սոցիալական կապերը՝ գիտեն ումից կարելի է «համոզիչ հաղորդագրություն» ստանալ։
Եթե նման հաղորդագրություն կամ զանգ ստանաք, գումար մի՛ փոխանցեք, մի՛ տրամադրեք անձնական տվյալներ, և անմիջապես կապի այլ տարբերակով կապվեք ձեր իրական ծանոթի կամ իրավապահ մարմինների հետ։
Արփի Հակոբյան
