Հասարակություն
29.10.2018 | 13:34Բարձրագույն դատական խորհրդի նախագահ Գագիկ Հարությունյանն այսօր լրագրողների հետ հանդիպմանը խոսեց այն մասին, թե վերջին վեց ամիսների ընթացքում ինչ բացթողումների և խնդիրների են իրենք առնչվել․ «Ես բազմիցս հայտարարել եմ, որ մենք դատարաններ ունենք, բայց արդարադատություն չունենք: Ցավոք սրտի, մոտիկից ծանոթացումը բացահայտեց, որ վիճակն ավելի մտահոգիչ է, քան կարելի էր ենթադրել»։
Արդարադատությունը պետք է լինի մրցակցային, ասաց Հարությունյանը՝ հավելելով, որ մարզերում վիճակն ավելի անմխիթար է․ «Մարզերում մրցակցային դատավարության փոխարեն մաքսիմալի է հասցվել սուբյեկտիվ գործոնը, որովհետև գործերը բաշխվել են դատարանին, դատարանի նախագահն էլ իր սուբյեկտիվ հայեցողությամբ դրանք տվել է այս կամ այն դատավորին և ստացվել է «հասցեական արդարադատություն», որն էլ կոռուպցիոն ռիսկերը մեծացնում է»։
Հարությունյանը վստահեցրեց, որ իրենք այս համակարգը վերանայել են և փորձել են օպտիմալացնել նստավայրերը՝ տեղերում ապահովելով մեկից ավելի դատավորներ։ ԲԴԽ նախագահը նաև նշեց, որ Հայաստանում էլեկտրոնային արդարադատության համակարգը գտնվում է զրոյական վիճակում։
Նա հավելեց՝ թերություններ կան նաև Դատական օրենսգրքում։
Մանրամասները՝ տեսանյութում։
