12.01.2026 | 16:37
Վրաստանի նախկին վարչապետ Իրակլի Ղարիբաշվիլին դատապարտվելու է 5 տարվա ազատազրկման
Բաքուն Ռուբեն Վարդանյանին նոր փաստաբան է նշանակել
Քաղաքականություն
28.10.2025 | 16:36
Բաքվի զինվորական դատարանում այսօր կայացել է Արցախի նախկին պետնախարար Ռուբեն Վարդանյանի նկատմամբ հարուցված շինծու գործերով հերթական դատական նիստը, որը նախագահել է դատավոր Զեյնալ Աղաևը։ Ադրբեջանական լրատվամիջոցների հաղորդմամբ՝ Աղաևը հիշեցրել է, որ վերջին դատական նիստում Ռուբեն Վարդանյանը միջնորդություն էր ներկայացրել փաստաբանից հրաժարվելու մասին, քանի որ դժգոհ է դատավարության ընթացքից։
Դատարանի որոշմամբ՝ իր փաստաբան Ավրահամ Բերմանից հրաժարվելու՝ Ռուբեն Վարդանյանի միջնորդությունը բավարարվել է։ Դատավորը հայտարարել է, որ Փաստաբանական միության անդամ Էմիլ Բաբիշովը դարձել է Ռուբեն Վարդանյանի նոր փաստաբանը։
Ռուբեն Վարդանյանը չի առարկել Բաբիշովի նշանակման դեմ: Դատավարության մյուս մասնակիցները նույնպես նշել են, որ չեն առարկում փաստաբանի նշանակմանը:
Դատական գործընթացին նոր միացած ադրբեջանցի փաստաբանը նշել է, որ որևէ առարկություն չունի դատարանի կազմի վերաբերյալ։ Նախագահող դատավորը տեղեկացրել է փաստաբանին, որ լրացուցիչ ժամանակ կտրամադրվի Ռուբեն Վարդանյանի հետ հանդիպումների համար՝ ինչպես քննչական մեկուսարանում, այնպես էլ դատարանում, ինչպես նաև քրեական գործի նյութերն ուսումնասիրելու համար։
Նիստն այսքանով ընդմիջվել է, որպեսզի փաստաբանը կարողանա ծանոթանալ գործի նյութերին և հանդիպել Վարդանյանի հետ։
Դատավարությունը կշարունակվի նոյեմբերի 4-ին։
Թարգմանությունը՝ Էմմա Չոբանյանի
