06.04.2026 | 22:03
Թրամփը չի ստորագրել Իրանի հետ հրադադարի համաձայնագրի առաջարկի տակ. Սպիտակ տան պաշտոնյա
Դատախազությունն ընթացք է տվել Արշակ արքեպիսկոպոս Խաչատրյանին վերագրվող տեսանյութերի վերաբերյալ հաղորդմանը
Հասարակություն
27.10.2025 | 19:28
Ընթացք է տրվել «Իրազեկ քաղաքացիների միավորումը» հասարակական կազմակերպության կողմից դատախազություն ներկայացված հաղորդմանը, որը կապված էր Մայր Աթոռի դիվանապետ Արշակ արքեպիսկոպոս Խաչատրյանի անձնական կյանքի գաղտնիությունը խախտելու ենթադրյալ դեպքի հետ։
Այս մասին Factor.am-ին հայտնել են Գլխավոր դատախազությունից։
Հիշեցնենք՝ Արշակ արքեպիսկոպոս Խաչատրյանին վերագրվող տեսանյութերն առաջինը հայտնվել են Armenian WikiLeaks անունով տելեգրամյան ալիքում՝ հոկտեմբերի 25-ին։ Չնայած, որ այժմ այն արգելափակված է Telegram-ի օգտագործման պայմանները խախտելու համար, տեսանյութերը տարածում են գտել և պահպանվել այլ ալիքներում։
Factor TV-ն քրեական վարույթ նախաձեռնելու վերաբերյալ տեղեկություն փորձեց ստանալ Քննչական կոմիտեից, սակայն գերատեսչությունից խնդրեցին լրագրողական հարցում պատրաստել և ուղարկել ՔԿ, բանավոր մեկնաբանություն չեն տալու։
Եվգենյա Համբարձումյան
