19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Բայրամովը Թուրքիայի ԱԳ փոխնախարարին ներկայացրել է ՀՀ-ի հետ Վաշինգտոնի գագաթնաժողովից բխող հարցերը
Քաղաքականություն
27.10.2025 | 20:24
Ադրբեջանն ու Թուրքիան քաղաքական խորհրդակցություններ են անցկացրել։ Ադրբեջանի արտաքին գործերի նախարար Ջեյհուն Բայրամովն այսօր Թուրքիայի արտաքին գործերի փոխնախարար Այշե Բերիս Էքինջիի հետ հանդիպմանը քննարկել է Ադրբեջանի և Թուրքիայի միջև դաշնակցային հարաբերություններից բխող հարցեր, ինչպես նաև տարածաշրջանային և միջազգային անվտանգության հարցեր։
Ադրբեջանական կողմի հաղորդմամբ՝ նշվել է, որ Շուշիի հռչակագիրը, որն ամրապնդել է դաշնակցային հարաբերությունները, արտացոլում է երկու երկրների միջև գոյություն ունեցող եղբայրական և բարեկամական կապերը։
Բայրամովը թուրք գործընկերոջը մանրամասն տեղեկացրել է Ադրբեջանի և Հայաստանի հարաբերությունների կարգավորման գործընթացի մասին, ներկայացրել դրա տարբեր ասպեկտները, նաև խոսել հարցերից, որոնք բխում են Վաշինգտոնի գագաթնաժողովից։
Կողմերը մտքեր են փոխանակել Մերձավոր Արևելքում, Գազայի հատվածում, Սիրիայում, աֆրիկյան երկրներում տիրող իրավիճակի և փոխադարձ հետաքրքրություն ներկայացնող այլ երկկողմ և տարածաշրջանային հարցերի շուրջ։
Թարգմանությունը՝ Էմմա Չոբանյանի
