01.11.2026 | 11:08
Ռուբիոն կասկածում է, որ Ուկրաինայում պատերազմը մոտ ապագայում կավարտվի
Թուրք քաղաքական գործիչը դիմել է Ալիևին՝ չեղարկելու Բաքվում անցկացվելիք ռաբբիների համաժողովը
Քաղաքականություն
24.10.2025 | 23:31
Թուրքիայի «Հայրենիք» կուսակցության նախագահ Դողու Փերինչեքը դիմել է Ադրբեջանի նախագահ Իլհամ Ալիևին՝ դժգոհություն հայտնելով նոյեմբերի 4-ից 6-ը Բաքվում նախատեսված Եվրոպական ռաբբիների համաժողովի անցկացման կապակցությամբ։
«Մամուլում հրապարակված տեղեկատվության համաձայն՝ 2025 թվականի նոյեմբերի 3-6-ը Բաքվում տեղի կունենա «Եվրոպական ռաբբինական համաժողով»։ Լրատվամիջոցները նաև հաղորդում են, որ այս համաժողովը, որը կմիավորի հարյուրավոր ռաբբիների, կքննարկի Աբրահամի համաձայնագրերը և սիոնիզմի դեմ ուղղված գործողությունները։ Այս համաժողովը, որը նախկինում երբեք չի անցկացվել որևէ մահմեդական կամ թյուրքական երկրում, Բաքվում անցկացնելը կսրի մեր երկրների և հարևանների դեմ սպառնալիքները Արևմտյան Ասիայում և Կովկասում, և կվնասի մեր միասնությանը թուրքական և իսլամական աշխարհում։ Ձեր փորձառու ղեկավարության ներքո Ադրբեջանը չի կարող դիրքորոշում զբաղեցնել ԱՄՆ-Իսրայել ճակատում: Այս համաժողովի անցկացումը եղբայրական Ադրբեջանում հավերժ կմնա որպես ամոթալի բիծ»,- գրել է Փերինչեկը X-ի իր միկրոբլոգում Ալիևին ուղղված բաց նամակում։
Նա դիմել է Ադրբեջանի նախագահին՝ չեղարկելու այդ համաժողովը՝ «մեր երկրների անկախության, անվտանգության, ապագայի և Ասիական վերելքի քաղաքակրթության առաջատար դիրքի համար»։
Թարգմանությունը՝ Էմմա Չոբանյանի
