16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիայի Բոդրում հանգստավայրի մոտ միգրանտներ տեղափոխող նավակի խորտակման հետևանքով զոհերի թիվը հասել է 14-ի
Քաղաքականություն
24.10.2025 | 19:57
Առնվազն 14 միգրանտ է զոհվել, երբ նրանց տեղափոխող փչովի նավակը շրջվել է Էգեյան ծովում՝ Թուրքիայի Բոդրում հանգստավայրի ափերի մոտ, հայտնել է Մուղլայի նահանգապետարանը։ Ավելի վաղ հաղորդվել էր 7 զոհի մասին, գրում է Turkish Minute-ը։
«14 անօրինական միգրանտների դիերը հայտնաբերվել են»,- X-ում հայտնել է Մուղլայի նահանգապետարանը։
Նշվում է, առափնյա պահպանության ծառայությունը գտել է երկու փրկվածի, որոնցից մեկը պատմել է, որ նավը «տեղափոխել է 18 մարդու», երբ սկսել է այն ջրով լցվել և խորտակվել է ընդամենը 10 րոպե անց։ Մեկ փրկվածի հաջողվել է լողալով հասնել Չելեբի կղզի։
Նահանգապետի գրասենյակը հայտնել է, որ փրկվածներից մեկն Աֆղանստանի քաղաքացի է՝ առանց նշելու, թե որտեղից են մյուսները։
Մյուս երկու անհետ կորած միգրանտներին որոնում են։
Միգրանտների նավակները հաճախ կորչում են թուրքական ափի և մոտակա հունական Սամոս, Ռոդոս և Լեսբոս կղզիների միջև կարճ, բայց վտանգավոր ճանապարհին, որոնք ծառայում են որպես Եվրամիության երկրներ մուտքի կետեր։ Բոդրումը գտնվում է հունական Կոս կղզու մոտ։
Միգրացիայի միջազգային կազմակերպության կողմից իրականացվող «Անհետ կորած միգրանտներ» նախագծի համաձայն՝ այս տարի Միջերկրական ծովով Եվրոպա հասնելու փորձի ժամանակ մահացել է մոտ 1400 միգրանտ։
Թարգմանությունը՝ Էմմա Չոբանյանի
