16.05.2026 | 15:55
Շրջանառությունից դուրս է բերվել ապօրինի պահվող 825 միավոր զենք․ ՆԳՆ
2025թ. օգոստոսի 1-ից մինչև հոկտեմբերի 20-ն ընկած ժամանակահատվածում ՀԷՑ-ի ողջ բաշխիչ ցանցում տեղի է ունեցել շուրջ 2.281 վթար․ Պետրոսյան
Հասարակություն
23.10.2025 | 23:22
2025թ. օգոստոսի 1-ից մինչև հոկտեմբերի 20-ն ընկած ժամանակահատվածում՝ Ժամանակավոր կառավարչի նշանակումից հետո, ՀԷՑ-ի ողջ բաշխիչ ցանցում տեղի է ունեցել շուրջ 2.281 վթար, որոնք բոլորն ամբողջապես գրանցվել են օպերատիվ մատյաններում եւ ներառվել պաշտոնական հաշվետվություններում։ Այս մասին հայտնում է Ռոմանոս Պետրոսյանը։
«Անցյալ տարվա նույն ժամանակահատվածում վթարների փաստացի թիվը ՀԷՑ-ում եղել է 2.782 (շուրջ 500-ով ավելի), որոնք հաշվառվել են «ձեռքի տակի գրառումներում», սակայն օպերատիվ գրանցամատյաններում եւ ՀԾԿՀ ներկայացվող հաշվետվություններում դրանց թիվը կանխամտածված կերպով խեղաթյուրվել է, եւ դրանցից գրանցվել են ընդամենը 2.122 վթար։
2025թ. նշված ժամանակահատվածի ընթացքում ՀԷՑ-ի բաշխիչ ցանցում տեղի ունեցած վթարների միջին տեւողությունը կազմել է 53,12 րոպե (1 ժամից պակաս):
2024թ. նույն ժամանակաշրջանում ՀԷՑ-ում վթարների միջին տեւողությունը կազմել է 73,18 րոպե (մոտ 37,8%-ով ավելի, քան այս տարի):
Ահա այսպիսի արդյունավետ կառավարման ցուցանիշներ»,-նշել է նա։
