11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Արցախի ղեկավարների շինծու գործերով նիստում Բաքվի դատարանում «տուժողների» ցուցմունքներ են ներկայացվել
Քաղաքականություն
24.10.2025 | 11:25
Արցախի ղեկավարների ու այլ պաշտոնյաների նկատմամբ հարուցված շինծու գործերով հերթական դատական նիստում նախագահող դատավոր Զեյնալ Աղաևը հայտնել է, որ 82 «տուժողներ» դատարան են դիմել՝ հայտարարելով գործընթացին անմիջականորեն մասնակցելու անհնարինության մասին և խնդրել են ուսումնասիրել նախաքննության ընթացքում տված իրենց ցուցմունքները: Դատավարության մասնակիցներից որևէ առարկություն չի ստացվել, գրում են ադրբեջանական լրատվամիջոցները։
Մասնավորապես, «տուժող» Ազադ Թաիրովի նախաքննական ցուցմունքի համաձայն՝ հայկական գերության մեջ գտնվելու ժամանակ, իբր, Մաքսիմ անունով մի ոստիկան հրացանի կոթով հարվածել է իր դեմքին՝ կոտրելով ատամը։ Բացի այդ, ըստ ներկայացված ցուցմունքի, նույն Մաքսիմը, իբր, «ռուսական ռուլետկա» է խաղացել բանտարկյալների միջև՝ ատրճանակը հերթով պահել է Թաիրովի և մեկ այլ բանտարկյալի՝ Շահլար Գուրբանովի գլխին, սակայն կրակոց չի արձակվել, իսկ երբ ատրճանակը դրել է Թագի Բայրամովի գլխին և սեղմել ձգանը, լսվել է կրակոց, և նա տեղում մահացել է։ Ըստ ներկայացված ցուցմունքի՝ հայ զինծառայողները գերիներին ստիպել են Բայրամովի մարմինը տանել գետի ափ և այնտեղ թաղել։
Հաջորդ դատական նիստը նշանակվել է հոկտեմբերի 24-ին:
Թարգմանությունը՝ Էմմա Չոբանյանի
