11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Սկզբից ուտեք պետության գլուխը, հետո դառնաք տեղապահ․ Կոնջորյանը՝ ՀՅԴ-ի մասին․ ՏԵՍԱՆՅՈՒԹ
Քաղաքականություն
23.10.2025 | 13:54
«Մահ կամ ազատություն»․ ի՞նչ է նշանակում դաշնակցության այս կարգախոսը»,- ԱԺ նիստում իր ելույթն այսպես սկսեց ՔՊ խմբակցության քարտուղար Հայկ Կոնջորյանը և սկսեց մեկնաբանել կարգախոսի էությունն իր ընկալմամբ։
«Օրինակ՝ քաղաքական ազատությունը պետության համար ո՞րն է: Ինքնիշխանությունը: Ինքնիշխանությունն էլ ունի իր ատրիբուտները, օրինակ՝ սահմանազատված սահման: Բայց Դաշնակցության 004 շրջաբերականն ասում է՝ մեզ պետք չէ սահմանազատված սահման, ինչը նշանակում է, որ Դաշնակցությունը քաղաքական ազատությանը դեմ է, ազատությունը որպես քաղաքական սկզբունք չի ընդունում, այսինքն՝ «Մահ կամ ազատության» մեջ ազատություն չկա: Դաշնակցությունը հիմնված է մահվան գաղափարի վրա»,- հայտարարեց պատգամավորը:
Ինչ վերաբերում է ընդդիմության մեղադրանքներին, դիմելով Արծվիկ Մինասյանին, հարցրեց՝ ազատությունը որն է Դաշնակցության գաղափարախոսության մեջ, եթե նրանք դեմ են պետության քաղաքական ազատությանը:
«Խնդիրն այն է, որ դուք ազատությունը պահում եք ձեզ համար, մահը տալիս եք ժողովրդին: Մահ կամ ազատությունը Դաշնակցության համար դա է՝ ազատությունը ձեզ, մահը՝ ժողովրդին։ Ուզում եք սկզբից ուտեք պետության գլուխը, հետո դառնաք տեղապահ»,- ասաց Հայկ Կոնջորյանը:
Մանրամասները՝ տեսանյութում։
Մանյա Պողոսյան
