Ովքեր են հայկական մեդիաների սեփականատերերը. պատասխաններ ու հարցեր՝ նոր շտեմարանում. ՏԵՍԱՆՅՈՒԹ

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ովքեր են վերահսկում հայաստանյան մեդիայի բովանդակությունը․ Հայաստանի 42 ամենաազդեցիկ լրատվամիջոցները տիրապետող ընկերությունների և սեփականատերերի մասին տեղեկատվությունն այժմ հասանելի է բոլորին։ Այսօր գործարկվեց «Մեդիայի սեփականության մոնիթորինգ Հայաստան» կայքը, որը տվյալների շտեմարան է․ այստեղ տեղեկություններ կան ինչպես մեդիայի սեփականատերերի, այնպես էլ լրատվամիջոցների ֆինանսական աղբյուրների մասին։ 

Հետազոտությունը Հայաստանում իրականացրել է «Հետքը»՝ «Մեդիայի գլոբալ ռեգիստր» կազմակերպության հետ համագործակցությամբ։ Այն համաֆինանսավորվել է «Ֆրիդոմ Հաուս Հայաստան»-ի և Գերմանիայի արտաքին գործերի նախարարության «Արևելյան գործընկերություն» ծրագրի կողմից։ 

Ըստ հետազոտության՝ Հայաստանում մեդիայի սեփականատերերի ցանկում կան ինչպես անհատ գործարարներ, այնպես էլ պետական կառույցներ, արտասահմանյան կառավարություններ, միջազգային գործակալություններ և քաղաքական կազմակերպություններ։ 

Հետազոտության տվյալները ձեռք են բերվել բաց աղբյուրներից։ Եթե դրանք հանրությանը հասանելի չեն եղել, ապա տեղեկատվությունը ձեռք է բերվել լրատվամիջոցներից՝ ուղիղ հարցումներով, պետական հաստատություններից, քաղաքական գործիչներից և հետազոտական ինստիտուտներից։

Ինչպե՞ս անել, որ լրատվամիջոցները ծառայեն հանրային, այլ ոչ թե մասնավոր, քաղաքական կամ բիզնես շահերին, արդյո՞ք մեդիայի թափանցիկությունը ՀՀ-ում պահանջված է․ մեդիայի ներկայացուցիչներն ու ոլորտի մասնագետները հենց այս հարցերն էին քննարկում։ 

Ըստ հետազոտության՝ Factor TV-ն համարվում է մեդիադաշտի սակավաթիվ  թափանցիկ գործող լրատվամիջոցներից մեկը․ արձանագրման համար հիմք է հանդիսացել պաշտոնական էջում սեփականության վերաբերյալ ամբողջական տեղեկատվության պրոակտիվ կերպով հրապարակումը, տվյալների պարբերական թարմացումը։

Արդյո՞ք իրավական դաշտը և այսօր գործող կարգավորումներն ապահովում են մեդիայի գործունեության թափանցիկությունը։ Ի՞նչ հավելյալ լիազորությունների կարիք ունի Հեռուստատեսության և ռադիոյի հանձնաժողովն իր գործունեությունն արդյունավետ իրականացնելու համար։ 

«Մեդիայի սեփականության մոնիթորինգ Հայաստան» ծրագրի տվյալների բազայի վերլուծությունը ցույց է տալիս, որ մեդիան Հայաստանում հիմնականում պատկանում կամ ղեկավարվում է քաղաքականապես ակտիվ անհատների կողմից։ Առաջիկայում մոնիթորինգի թիմը շարունակելու է հետազոտել հայաստանյան մեդիան՝ պարզելու լրատվամիջոցների իրական շահառուներին։  

Մանրամասները՝ տեսանյութում։

Անի Թամրազյան