11.05.2025 | 21:00
Պատասխաններ տվողները շատ են, հարցը ձևակերպողների պակաս կա. ապաքաղաքական զրույց Արա Խզմալյանի հետ. ՏԵՍԱՆՅՈՒԹ
ԵՐԵՎԱՆԻ ԺԱՄԱՆԱԿՈՎ. ՀՀԿ-ի կարկառուն դեմքերը մի քանի տարի պետական պաշտոններ զբաղեցնելու իրավունք չպետք է ունենան․ Վահրամ Մարտիրոսյան. ՏԵՍԱՆՅՈՒԹ
Քաղաքականություն
27.10.2018 | 17:30
«Կարծում եմ՝ վարչապետի ընտրության երկորրդ փուլի ժամանակ ԱԺ պատգամավորների կողմից անակնկալներ չեն լինի, նրանք վարչապետի նոր թեկնածու չեն առաջադրի։ Ցավոք, ՀՀԿ-ն միշտ կայուն վատ վարքագիծ է դրսևորում, անում է վատագույն քայլերը՝ ժողովրդի և ժողովրդավարության դեմ, բայց այս անգամ ձեռնպահ կմնա այդ ամենից»,- Factor.am-ի հետ զրույցում նման տեսակետ է հայտնում գրող, կինոսցենարիստ Վահրամ Մարտիրոսյանը։
Նրա համոզմամբ՝ հանրապետականներին դրա համար պետք եղավ հակտեմբերի 2-ի դասը՝ հանրահավաքի տեսքով, որի ժամանակ տասնյակ հազարավոր մարդիկ գնացին ԱԺ-ն «պաշարելու» և անհամաձայնություն հայտնելու «ՀՀԿ մի խումբ մնացորդների վարքագծի դեմ»։
Մեր զրուցակիցն անդրադառնում է ԱԺ փոխնագահ Էդուարդ Շարմազանովի այն հայտարարությանը, թե ՀՀԿ-ն կարող է անցնել խորհրդարան՝ առանց կաշառքի։ Նրա խոսքով՝ եթե ՀՀԿ-ն դասեր քաղեր, հնարավոր է՝ այդ կուսակցությունից մի մաս տարանջատվեր և զբաղվեր քաղաքական մաքուր գործընթացներով․ «Բայց ՀՀԿ-ն ոչ թե քաղաքական կուսակցություն է եղել, այլ ոհմակ, որը գրավել է իշխանությունը՝ այն ծառայեցնելով միայն սեփական շահերին»։
Նա պնդում է, որ խորհրդարանական ընտրություններից հետո հարկավոր է դատական գործընթաց սկսել ՀՀԿ կուսակցության նկատմամբ․ «Պետք է քննել այդ կուսակցության անդամների հակապետական գործունեությունը։ Բոլորը լկտի ձևով հարստացան և լկտի ձևով ցուցադրում էին դա, ինչն անպատիժ չպետք է մնա, ՀՀԿ-ի կարկառուն դեմքերը մի քանի տարի պետական պաշտոններ զբաղեցնելու իրավունք չպետք է ունենան»։
Պարոն Մարտիրոսյանն անդրադառնում է նաև հակահեղափոխականների քայլերին՝ համարելով դրանք ոչ միայն ստոր, այլև՝ հիմար․ «Դրանք մեկ գործողությամբ կոմբինացիաներ են։ Հակահեղափոխականները ստորություն արեցին, Փաշինյանը ժողովրդին հրավիրեց ԱԺ, ժողովուրդը եկավ, իրենք թևաթափ եղան»։
Մանրամասները՝ տեսանյութում։
Աննա Բաբաջանյան
