01.11.2026 | 13:04
Միրզոյանն ու Եգիպտոսի ԱԳ նախարարը քննարկել են երկկողմ կապերի ընդլայնման հնարավորությունները
Գաֆարովային հարցրեցի` ինչո՞ւ են «Զանգեզուրի միջանցք» ասում. Ալեն Սիմոնյան․ ՏԵՍԱՆՅՈՒԹ
Քաղաքականություն
22.10.2025 | 14:54
Խորհրդարանում լրագրողների հետ ճեպազրույցում Ազգային ժողովի նախագահ Ալեն Սիմոնյանին հարց ուղղվեց՝ Ժնևում անցկացված Միջխորհրդարանական միության 151-րդ վեհաժողովի շրջանակում Ադրբեջանի Միլլի մեջլիսի նախագահ Սահիբա Գաֆարովայի հետ հանդիպման ընթացքում անդրադարձ կատարվե՞լ է գերիների հարցին․ «Գերիների, պահվող անձանց վերաբերյալ խոսակցությունը կա միշտ: Այդ խոսակցությունը կար ոչ միայն այդ հանդիպման ժամանակ, եթե իմ ելույթը նայեք, դրա մասին խոսվում է»։
Սիմոնյանը Գաֆարովայի հետ հանդիպումը «շատ դրական» է գնահատում։ Հանդիպման համար նա շնորհակալություն հայտնեց կազմակերպչին, ընդգծեց՝ երկուստեք կա ընկալումը, որ պետք է երկու երկրների խորհրդարաններն իրենց վրա վերցնեն հանրություններին պատրաստելու, մերձեցնելու, խաղաղության իրականության մեջ ապրելու տրամաբանությունը:
«Իմ գործընկերոջ մոտ այդ ընկալումը նույնպես կար: Շատ դրական, ջերմ հանդիպում է տեղի ունեցել: Պայմանավորվել ենք կոնկրետ քայլերի մեխանիզմ քննարկել և առաջարկել»,- հայտնեց Ալեն Սիմոնյանը՝ ընդգծելով, որ խոսքը հեռավոր ապագայի մասին չէ:
Մանրամասները՝ տեսանյութում։
Եվգենյա Համբարձումյան
