16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Ավազակությունը բացահայտվել է, 7 անձ՝ ձերբակալվել
Հասարակություն
22.10.2025 | 15:51
Ահազանգ է ստացվել, որ Երևանի Քեռու փողոցում գտնվող հյուրանոցում, որտեղ վարձակալական հիմունքներով բնակվում են օտարերկրյա քաղաքացիներ, դիմակավորված անձինք են մուտք գործել տարբեր սենյակներ։ Դեպքի վայրի հարակից տարածքում հայտնաբերվել են բջջային չորս հեռախոս, պնևմատիկ ատրճանակ, դիմակներ ու ձեռնոցներ․ հայտնում են ՆԳՆ ոստիկանությունից։
«Պարզեցինք, որ ժամը 4.20-ի սահմաններում անհայտ անձինք, ոստիկանության համազգեստով և դիմակներով, մուտք են գործել հյուրանոցի տարբեր սենյակներ, զենքի սպառնալիքով, ոմանց էլ կապկպելով` հափշտակել են բջջային հեռախոսներ, գումար և դիմել փախուստի»,-ներկայացրել է ավագ քրեական ոստիկան Դավիթ Բաբինյանը:
«Արաբկիր վարչական շրջանի քննչական բաժնում նախաձեռնվեց քրեական վարույթ` բնակարան ապօրինի մուտք գործելով ավազակության հատկանիշներով։
Քրեական ոստիկանության Երևան քաղաքի վարչության սեփականության դեմ ուղղված հանցագործությունների դեմ պայքարի բաժնի աշխատակիցները դեպքի վայրի հարակից տարածքում հայտնաբերեցին բջջային չորս հեռախոս, պնևմատիկ ատրճանակ, դիմակներ ու ձեռնոցներ։
«Ենթադրեցինք, որ հանցանք կատարած անձինք փախուստի ժամանակ դիտավորությամբ նետել էին դիմակներն ու ձեռնոցները, իսկ հափշտակած բջջային հեռախոսների մի մասն ու ատրճանակն ընկել էին իրենց կամքից անկախ հանգամանքներում, քանի որ հեռանալու ճանապարհը կտրուկ վայրէջք էր»,- մանրամասնում է Դավիթ Բաբինյանը:
Օպերատիվ-հետախուզական հետագա միջոցառումերը ձեռնարկվեցին Քրեական ոստիկանության գլխավոր վարչության ծառայողների հետ: Պարզվեց, որ ավազակությունը կատարած ինը տղմարդկանցից մեկը մայրաքաղաքի Ֆրիկի փողոցի բնակիչ է` 41 տարեկան, իսկ մյուսները` օտարերկրացիներ։
Հետագա համատեղ միջոցառման շնորհիվ հոկտեմբերի 10-ի երեկոյան երևանցին հայտնաբերվեց ու ձերբակալվեց։ Հաջորդ օրն առավոտյան ձերբակալվեցին նաև 38-ամյա հասակակից օտարերկրացիներ։
«Հանցանք կատարած մյուս օտարերկրացիներին հայտնաբերելու նպատակով համագործակցեցինք Քրեական ոստիկանության Սյունիքի մարզային վարչության ծառայողների հետ: Հոկտեմբերի 11-ին, առավոտյան ժամը 6.30-ի սահմաններում, նրանցից չորսը հայտնաբերվեցին Մեղրիի անցակետում: Շարունակվում են միջոցառումները` հանցանքին մասնակից ևս երկու անձին հայտնաբերելու ուղղությամբ»,-քրեական ոստիկանների հետագա միջոցառումներն է ներկայացնում է Դավիթ Բաբինյանը:
Ձերբակալվածները ներկայացվել են նախաքննական մարմին: Նրանց խուզարկություններով հայտնաբերվել են գողոն հանդիսացող իրեր` պլանշետներ, բջջային հեռախոսներ և գումար։
Ձեռնարկվում են միջոցներ` դեպքի բոլոր հանգամանքները պարզելու ուղղությամբ»,- ասված է հաղորդագրությունում։
