11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Էդ քա՞նի տոննա ցորեն է գալու, կարո՞ղ է մեկը` մի բուռ գրպանը լցրած, գալիս է. Արթուր Խաչատրյան․ ՏԵՍԱՆՅՈՒԹ
Տնտեսություն
22.10.2025 | 11:33
«Մեր պահանջը բոլոր ճանապարհների միաժամանակյա ապաշրջափակումն է, դա ներառում է Հայաստանի ճանապարհի ապաշրջափակումը՝ Նախիջևանի միջոցով, որն անհնար է, քանի դեռ Սադարակ-Երասխ երկաթուղին կամ անցումը կառուցված չէ։ Դա ներառում է Իջևան-Ղազախ ճանապարհի ապաշրջափակումը»,- ասաց ընդդիմադիր պատգամավոր Արթուր Խաչատրյանը։ Ընդդիմադիր պատգամավորի կարծիքով՝ ՀՀ ցորեն բերելը չի կարելի ներկայացնել որպես ապաշրջափակման արդյունք։
«Ձեր հանճարեղ քաղաքականության հետևանքով Ադրբեջանի կողմից Արցախի բռնազավթման արդյունքում մեր ցորենի մատակարարման 20%-ը կորցրեցինք, հիմա էլ փորձում եք դրսից ինչ-որ մի բան մուրալ, ձեռք բերել։ ՀՀ վարելահողերը 50 %-ի չափով չեն մշակվում, այդ ուղղությամբ ի՞նչ եք անում, թե ԱԽՔ քարտուղարի ասած՝ ցորեն չկա, բրինձ կուտենք»,- նկատեց պատգամավորը։
Հիշեցնենք, որ երեկ վարչապետի մամուլի խոսնակ Նազելի Բաղդասարյանը հայտնել էր, որ ՀՀ-ն ողջունում է Ադրբեջանի Հանրապետության նախագահի հայտարարությունը՝ դեպի Հայաստան բեռների տարանցման սահմանափակումների վերացման մասին։
Իր հերթին էկոնոմիկայի նախարար Գևորգ Պապոյանը տեղեկացրել էր, որ շուտով Ակտաու-Բաքու, այնուհետև՝ ադրբեջանական ու վրացական երկաթգծով ՀՀ կմտնի ղազախական ցորենի առաջին խմբաքանակը:
Մանրամասները՝ տեսանյութում։
Մանյա Պողոսյան
