06.10.2026 | 12:10
Հրմշտոց ԱԺ-ում ՔՊ-ականների և ընդդիմադիրների միջև // ԱՀԿ-ն՝ ժանտախտի ռիսկի մասին․ ԼՈՒՐԵՐ
Ցորեն կարող էին բերել Ուկրաինայից, ՌԴ-ից․ Մանուկյանը՝ Ադրբեջանով ցորեն ներկրելու մասին․ ՏԵՍԱՆՅՈՒԹ
22.10.2025 | 11:29
«Դիվերսիֆիկացման արդյունքում կարելի էր ցորեն ներկրել նաև Ուկրաինայից, Ռուսաստանից, և Վրաստանի տարածքով այն նույնպես կմտներ Հայաստան»,- այս մասին ԱԺ նիստում հայտարարեց «Հայաստան» խմբակցության պատգամավոր Գեղամ Մանուկյանը՝ անդրադառնալով Ադրբեջանի տարածքով Ղազախստանից ցորենի ներկրմանը։
«Հիմա որ ասում են՝ Ադրբեջանով ցորեն է գալիս, ուզում եմ հիշեցնել, որ ժամանակին Թուրքիայով սիրիական ցորենը եկել է Հայաստան, բայց դա չի խանգարել, որ 1993-ին, Քարվաճառից հետո Թուրքիան փակի սահմանը։ Հայաստանի էկոնոմիկայի նախարարն ո՞վ է՝ Իլհամ Ալի՞ևը, թե՞ Գևորգը Պապոյանը։ Ալիևը Ղազախստանում Տոկաևի հետ հանդիպումից հետո, ղազախներին ի սիրույն ասում է՝ ղազախական ցորենը Ադրբեջանի վրայով առաջին անգամ գալու է Հայաստան, որից հետո Պապոյանը կրկում է Ալիևին։ Լավ, ինչո՞ւ չպետք է այդ մասին հենց Հայաստանից իմանայինք։ Այստեղ մի կարևոր բան կա. առաջին պահից տպավորություն էր, որ երկաթգծով գալու է, մտնի Իջևան։ Չէ, գալու է, հասնելու է Վրաստան, Վրաստանով մտնելու է Հայաստան»,- նշեց նա։
Հիշեցնենք, որ երեկ վարչապետի մամուլի խոսնակ Նազելի Բաղդասարյանը հայտնել էր, որ ՀՀ-ն ողջունում է Ադրբեջանի Հանրապետության նախագահի հայտարարությունը՝ դեպի Հայաստան բեռների տարանցման սահմանափակումների վերացման մասին։
Իր հերթին էկոնոմիկայի նախարար Գևորգ Պապոյանը տեղեկացրել էր, որ շուտով Ակտաու-Բաքու, այնուհետև՝ ադրբեջանական ու վրացական երկաթգծով ՀՀ կմտնի ղազախական ցորենի առաջին խմբաքանակը:
Մանրամասները՝ տեսանյութում։
Մանյա Պողոսյան
