01.04.2026 | 13:44
Թրամփը հայտարարել է, որ ԱՄՆ-ը լրջորեն քննարկում է ՆԱՏՕ-ից դուրս գալու հարցը
Այո՛ կամ ո՛չ. Ադրբեջանով ցորենի ներկրումը ՀՀ լա՞վ բան է, թե՞ վատ. Ռուբինյանը՝ ընդդիմությանը․ ՏԵՍԱՆՅՈՒԹ
Քաղաքականություն
22.10.2025 | 11:22
«Ցորենը Ղազախստանից ավելի էժան է գալու, քան՝ Ուկրաինայից»,- այս մասին ԱԺ նիստում հայտարարեց նիստը վարող փոխնախագահ Ռուբեն Ռուբինյանն՝ արձագանքելով ընդդիմադիր պատգամավորների այն հարցադրումներին, թե Ադրբեջանի տարածքով ինչ ծավալի և գնի ղազախական ցորեն է գալու Հայաստան։
ԱԺ խոսնակը ընդդիմադիր գործընկերներին հարց ուղղեց, թե արդյոք միակողմանի զիջում է այն, որ Ադրբեջանի տարածքով ցորեն է ներմուծվելու մեր երկրի տարածք։
«Եթե ես ճիշտ եմ հիշում, Վաշինգտոնի օգոստոսի 8-ի հռչակագիրը ընդդիմությունը հայտարարում էր միակողմանի զիջում, որ, իբր, Ադրբեջանը հնարավորություն է ստանալու Հայաստանի տարածքով տրանզիտ իրականացնել, իսկ Հայաստանը ոչինչ չի ստանալու»,- նշեց Ռուբինյանը՝ հիշեցնելով Ռոբերտ Քոչարյանի հարցազրույցը, որտեղ նա ասել էր՝ ինչ իմաստ ունի այդ ամենը, եթե Հայաստանը դեպի Իրան ու Ռուսաստան կապ չի ստանալու:
Ըստ Ռուբինյանի՝ վերջապես մենք ունենալու ենք աղբյուրների դիվերսիֆիկացիա, ինչն իրապես հեղափոխական արդյունք է։
Հիշեցնենք, որ երեկ վարչապետի մամուլի խոսնակ Նազելի Բաղդասարյանը գրել էր, որ ՀՀ-ն ողջունում է Ադրբեջանի Հանրապետության նախագահի հայտարարությունը՝ դեպի Հայաստան բեռների տարանցման սահմանափակումների վերացման մասին։
Էկոնոմիկայի նախարար Գևորգ Պապոյանն իր հերթին տեղեկացրել էր, որ շուտով Ակտաու-Բաքու, այնուհետև՝ ադրբեջանական ու վրացական երկաթգծով ՀՀ կմտնի ղազախական ցորենի առաջին խմբաքանակը:
Մանրամասները՝ տեսանյութում։
Մանյա Պողոսյան
