30.07.2026 | 00:02
Որպես անհետ կորած որոնվում է 2012թ. ծնված Վահե Ապիկյանը
Ժնևում ավարտվել է Սիմոնյան-Գաֆարովա հանդիպումը․ Բաքուն մանրամասներ է հայտնում
Քաղաքականություն
21.10.2025 | 14:10
Ժնևում ավարտվել է ՀՀ ԱԺ նախագահ Ալեն Սիմոնյանի և Ադրբեջանի Միլլի Մեջլիսի խոսնակ Սահիբա Գաֆարովայի հանդիպումը։ Ըստ ադրբեջանական կողմի հաղորդագրության՝ Ադրբեջանի և Հայաստանի խորհրդարանների խոսնակների երկկողմ հանդիպումը տեղի է ունեցել 2025 թվականի հոկտեմբերի 21-ին Ժնևում՝ Միջխորհրդարանական միության 151-րդ վեհաժողովի շրջանակում։
Հանդիպման մասնակիցները ողջունել են Վաշինգտոնի գագաթնաժողովում ձեռք բերված համաձայնությունները, ինչպես նաև հարաբերությունների կարգավորման ուղղությամբ ձեռնարկված քայլերը։
Նրանք նաև ընդգծել են կառուցողական երկխոսության շարունակականության կարևորությունը և հայտնել իրենց պատրաստակամությունը՝ աջակցելու վստահության ամրապնդման միջոցառումներին խորհրդարանների մակարդակով։
Թարգմանությունը՝ Էմմա Չոբանյանի
