12.01.2026 | 16:48
Դատական իշխանության անկախությունը սահմանադրական արժեք է․ Վահագն Խաչատուրյան
Երևան-Երասխ ճանապարհին բեռնատարը դուրս է եկել երթևեկելի մասից և շրջվել, վարորդը մահացել է․ ՆԳՆ
21.10.2025 | 14:31
Երևան-Երասխ ավտոճանապարհին՝ Այնթապի կամրջի մոտակայքում վթար է տեղի ունեցել, կան տուժածներ։ Այս մասին տեղեկացնում է ՆԳՆ փրկարար ծառայությունը։ Արարատի մարզային փրկարարական վարչության ճգնաժամային կառավարման կենտրոն նման ահազանգ է ստացվել հոկտեմբերի 21-ին, ժամը 09։51-ին։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Երասխ ավտոճանապարհի 10-րդ կմ-ին «Ford» մակնիշի բեռնատարը դուրս է եկել ճանապարհի երթևեկելի հատվածից, հայտնվել դաշտամիջյան հատվածում և շրջվել․ վարորդը մահացել է:
Երկու ուղևոր ավտոմեքենայից դուրս են բերվել տեղի ուժերով․ ուղևորներից մեկը հոսպիտալացվել է բժշկական կենտրոն:
Փրկարարները հոսանքազրկել են ավտոմեքենան, հատուկ տեխնիկայի միջոցով արգելափակումից դուրս բերել վարորդի դին և մոտեցրել դի տեղափոխող ավտոմեքենային։
