08.06.2026 | 17:40
Եթե Ծառուկյանը լավ մտածի՝ պիտի մատաղ անի, որ ԱԺ չանցնի․ ՔՊ-ին օդ ու ջրի պես պետք են նրա մանդատները ․ Նորայր Նորիկյան․ ՏԵՍԱՆՅՈՒԹ
ԱԺ-ն մերժեց «Պատիվ ունեմ»-ի «Ազգային ճգնաժամի, կառավարման ձախողման հիմքերով վարչապետին անվստահություն հայտնելու մասին» նախագիծը
Քաղաքականություն
21.10.2025 | 13:33
ԱԺ օրակարգ չընդգրկվեց ընդդիմադիր «Պատիվ ունեմ» խմբակցության հեղինակած «Ազգային ճգնաժամի, կառավարման ձախողման հիմքերով ՀՀ վարչապետին անվստահություն հայտնելու մասին» Ազգային ժողովի հայտարարության նախագիծը։
Օրինագիծն ԱԺ նիստի օրակարգում ընդգրկելու հարցին կողմ քվեարկեց 24, դեմ՝ 48, ձեռնպահ՝ 2 պատգամավոր։ Հավելենք, որ անկախ պատգամավոր Հովիկ Աղազարյանը հայտարարել էր, որ ինքը և Հակոբ Ասլանյանը ձեռնպահ են քվեարկելու նախագծին։
«Պատիվ ունեմ» խմբակցության ղեկավար Հայկ Մամիջանյանը, ներկայացնելով հայտարարության նախագիծը, նշել էր, որ դրա նպատակը վարչապետի իմփիչմենթին հասնելն է։
Նշենք, որ պետաիրավական նիստում ընդդիմությանը նախագիծը բացասական եզրակացություն էր ստացել։
«Նիկոլ Փաշինյանի ղեկավարած կառավարությունը ոչ միայն չի կատարել իր պարտականությունները՝ էականորեն շեղվելով իր իսկ ներկայացրած և խորհրդարանական մեծամասնության հավանությանն արժանացած կառավարության ծրագրից, այլև չի կարողացել արդյունավետորեն արձագանքել պետության առջև ծառացած մարտահրավերներին՝ հաճախ դառնալով նոր մարտահրավերների առաջացման պատճառ։ Այսօրվա կառավարիչների գործունեությունը հանգեցրել է համակարգային ճգնաժամի պետական կառավարման բոլոր մակարդակներում: Այդ քաղաքականությունն աղետալի հետևանքներ է ունեցել ազգային անվտանգության, պետական ինքնիշխանության, ժողովրդավարության, սոցիալ-տնտեսական և ազգային կյանքի բոլոր ոլորտներում, լրջագույն խնդիրներ առաջացնելով Հայաստանի Հանրապետության համար՝ վտանգի տակ դնելով նաև երկրի ապագան»,-ասված է նախագծում։
Մանյա Պողոսյան
