08.06.2026 | 21:18
Շնորհավորում եմ Նիկոլ Փաշինյանին ընտրություններում հաղթանակի առիթով. Հունաստանի վարչապետ
Ընթանում է Վարդան Ղուկասյանին կալանավորելու միջնորդության քննությունը
Քաղաքականություն
20.10.2025 | 23:32
Հակակոռուպցիոն դատարանում ընթանում է Գյումրու քաղաքապետ Վարդան Ղուկասյանին կալանավորելու վերաբերյալ միջնորդության քննությունը:
Ղուկասյանի պաշտպան Արամայիս Հայրապետյանը Factor TV-ի հետ զրուցում հայտնեց, որ միջնորդությունը մակագրվել է դատավոր Վարդգես Սարգսյանին:
Ենթադրվում է, որ դատարանը միջնորդության վերաբերյալ որոշումը կկայացնի այսօր գիշերը կամ վաղ առավոտյան, քանի որ Ղուկասյանը ձերբակալվել է այնպիսի ռեժիմով, որով անազատության մեջ կարող է մնալ առավելագույնը 24 ժամ, իսկ եթե 24 ժամվա ընթացքում նրան կալանավորելու որոշում կայացված չլինի, ապա նա պետք է ազատ արձակվի: Ղուկասյանը մեղադրվում է Հակակոռուպցիոն կոմիտեում քննվող կաշառքի գործով:
Այսօր առավոտյան կառույցը ԱԱԾ-ի և ոստիկանության ծառայողների հետ խուզարկություն է իրականացրել Գյումրու քաղաքապետարանում, որից հետո քաղաքապետ Ղուկասյանն ու քաղաքապետարանի այլ աշխատակիցներ ձերբակալվել են:
Արաքս Մամուլյան
