08.06.2026 | 12:48
ԲՀԿ-ն չի հաղթահարում անցողիկ շեմը՝ ըստ ԿԸՀ-ի նախնական արդյունքների
Գյումրիում կատարվածը նորություն չէ․ իշխանությանն անցանկալի ղեկավարի դեմ խիստ միջոցներ կիրառվեցին, իշխանականների դեմ՝ ոչ․ Բորիս Նավասարդյան. ՏԵՍԱՆՅՈՒԹ
Քաղաքականություն
20.10.2025 | 21:00
Քաղաքական վերլուծաբան Բորիս Նավասարդյանին Factor TV-ն հարցրել է՝ ինչպե՞ս է նա գնահատում Գյումրիի քաղաքապետին և ևս 7 անձի ձերբակալելու որոշումը։ Ընդդիմությունը քաղաքական հալածանք է որակում․ սա զուտ իրավակա՞ն պրոցես է, թե՞ քաղաքական տարր կա։ «Քաղաքական հալածանք է, երբ ընտրովի է կիրառվում տարբեր գործիչների նկատմամբ․․․ քաղաքական պատճառով խիստ միջոցներ են կիրառվում։ Գյումրիում կատարվածը նորություն չէ․ իշխանությանն անցանկալի ղեկավարի դեմ խիստ միջոցներ արվեցին, իշխանականների դեմ նույնը չի արվել»,- ասում է Նավասարդյանը։
Անդրադառնալով բարձրաստիճան հոգևորականների և աշխարհիկ ղեկավարության հարաբերություններին՝ Նավասարդյանը դա դիտարկում է ոչ միայն ներքաղաքական զարգացումների, այլև արտաքին քաղաքական վեկտորի ընտրության համատեքստում․
«Եկեղեցին պատրաստվում է դեր խաղալ քաղաքական պրոցեսում, իշխանությունը որպես հակառակորդ է նրան դիտարկում, ցանկացած բան որ կարելի է կպցնել եկեղեցուն՝ արվելու է։ Կրոնական ղեկավարությունը սերճատել է նախորդ իշխանությանը, ՌԴ-ի հետ կապ կա, ջանքեր չգործադրվեցին, որ դա վերանա։ ՀՀ-ի գեոպոլիտիկ շրջադարձը եկեղեցին վատ է ընկալում, ՌԴ-ն օգտագործում է եկեղեցականներին, որ ՀՀ-ում թույլ իշխանություն լինի։ Վտանգավոր է, երբ իշխանության համար պայքարը առաջին տեղում է․ մեծ ռիսկ է՝ ՀՀ ժողովրդավարության համար»,- ասում է նա։
Հաղորդումն ամբողջությամբ՝ տեսանյութում։
Ռոբերտ Անանյան
