12.01.2026 | 11:55
Եթե խելոք չպահեն, ժողովուրդը պետք է ոտքի կանգնի և իրենց տեղը դնի․ Սինանյանը՝ եկեղեցու որոշ ներկայացուցիչների մասին․ ՏԵՍԱՆՅՈՒԹ
Իրավապահ մարմինների օրինական մասնագիտական գործունեությանը խոչընդոտելը կարող է հանգեցնել քրեական պատասխանատվության․ ՆԳՆ հայտարարությունը
Հասարակություն
20.10.2025 | 11:40
ՆԳՆ ոստիկանությունը հայտարարություն է տարածել, որով նախազգուշացնում է, որ տարբեր անձանց կողմից իրավապահ մարմինների օրինական մասնագիտական գործունեությանը խոչընդոտելը և միջամտելը, ՀՀ օրենսդրության համաձայն, կարող են հանգեցնել քրեական պատասխանատվության։
«Հորդորում ենք ձեռնպահ մնալ հակաիրավական վարքագծի ցանկացած դրսևորումներից»,- ասված է հաղորդագրությունում։
Հիշեցնենք, որ րոպերենր առաջ ՀՀ հակակոռուպցիոն կոմիտեն հաղորդագրություն տարածեց, ըստ որի՝ փաստական տվյալներ են ստացվել Գյումրու համայնքի ղեկավար Վարդան Ղուկասյանի և գլխավոր ճարտարապետի կողմից նախնական համաձայնությամբ կաշառք–գումարներ պահանջելու և ստանալու դեպքերի վերաբերյալ։ Նախաձեռնված քրեական վարույթի շրջանակներում ութ անձանց, ներառյալ՝ համայնքի ղեկավար Վարդան Ղուկասյանի նկատմամբ, կայացվել են հանրային քրեական հետապնդումներ հարուցելու և ձերբակալելու մասին որոշումներ։
Նշենք նաև, որ այս պահին իրավապահ մարմինները գործողություններ են իրականացնում Գյումրու քաղաքապետարանում։
